Kelas X 6

Silakan masukkan tugas Anda dalam kolom yang disediakan. Jangan lupa menuliskan e-mail Anda!

27 comments

  1. Banjarmasin,20 oktober 2008

    Gasan kawan ku,udin di tanjung

    Salam sejahtera,
    Din,lawas lah kita kada batamu? Kaya apa kabar ikam sakalurga? Mudah-mudahan baik-baik haja. Kabar aku sakalurga baik-baik haja.
    Din,kaya apa sakulah ikam di sana? rami lah? Aku di banjar masuk SMAN 2 Banjarmasin.di sini rami banar kam! Eh,rumah si idun masih lah di higa rumah ikam? Padah akan lawan inya! Kena bila aku ke Tanjung,aku handak bamalam di rumahnya.
    Eh,hi….ih,pabila ikam ka banjar,liburan kamarin aku sudah ka tanjung giliran ikam lagi ka rumah ku di banjarmasin!
    Sudah dulu ai,lah. Salam gasan kakawanan di sana. Jangan kada ingat,balas surat ku !

    Salam sejahtera,
    Dari kawan ikam,

    Endrico pratama

  2. Banjarmasin,23 oktober 2008
    Gasan sahabatku faridah

    Assalamualaikum…
    Kayapa kabar ikam baik-baik haja kalu,
    Masuk sma mana ikam wahini ? Mun aku masuk SMA 2.Lawas lah kita kada tatamu.Kena bejalanan lah ke rumah ku.
    Tapisahan lah bubuhan kita wahini. Riri masuk mana yu? Ikm tahu lah.
    Rami banar kam di smada ,pamulaan masuk bujur pang aku balum tapi akrab lawan kakawanan tapi pas sudah lawas-lawas makin barami haja. Kam umpat ekskul apa tadih ?
    Mun aku umpat PMR, eh sakalinya kam smada nih luas banar ku kira bahari tu kam halus haja. Sakali sudah masuk takajut-kajut aku. Kalas ku di balakang jadi kami rancaknya tuh liwat jalan higa. Parkirannya tu gin nang gasan kalas X nya di higa.Kam tahu lah kalas kami tuh paling abut wan tarkanal banar.Parnah pas upacara kami didiriakan gara-gara aur bagayaan tarus. Tapi biar kaya itu kami sabarataan nih akur kada biasa takalahi makanya itu aku himung banar disini.Eh kaina pabila kah kubawai kam ke SMA 2 takajut tu pang kam malihatnya.

    Eh,dah gin lah ku uyuh sudah manulis .kaina pulang lah. Jangan kada ingat balas surat ku nih lah,mun kam kada mambalas talalu banar kam.
    Dahhh. . . . . .

    Wassalam,

    Sahabat ikam,

    Hermadina Aprisa

  3. Banjarmasin, 23 oktober 2008
    Gasan kawanku Maulana

    Assalamualaikum…
    Uuuuiiii…. Urangnyaaa….
    Lan, kiapa habar? sihat-sihat aja lo? amun unda sihat-sihat aja pang. Kiapa sakulahan ikam? ramu jua kah? Amun di sakulah unda rami banar, loco-loco urangnya. Lan, ikam ingat kada lawan Asmawi? kawan sakalas kita, yang rancak di hapaki bagiannya.
    Unda samalam tatamu inya, pas una ki au, kada hiran-hiran, koyo banar… mantang-mantang maantar pacarnya bulik. Pas isuknya inya bulik sorangan, unda ki au lagi hanyar manyahut.
    Alasan kada mandangar jar inya, unda sambat ae “alibi ikam neh”. Amun dilihat-lihat kalakuannya sama aja kaya bahari, babungulan jua… makanya rancak dihapaki bagiannya.
    Dah ae surat unda sampai sini ja, koler unda manulis banyak-banyak malapahi tangan unda ja, he he he …

    Kawan ikam
    Muhammad Prasetya Ziandy Putera

  4. Banjarmasin, 25 oktober 2008
    Gasan kawanku kurniawan di Malang.

    Assalamualaikum wr.wb.
    Oiii kurniawan, kayapa kabar di Malang ? Baik-baik haja lo…
    Aku gin disini baik-baik haja.
    Wan, kami sabarataan di Banjarmasin kangan lawan kam. Kayapa tadih disana hawanya, nyaman dibanjar kah nyaman disana ?
    Wan, lajari pang aku bahasa inggris kam lihai lo babahasa inggris!!
    Kam disana masuk SMA kah atau SMK? Aku dibanjar masuk SMA 2 Wan’ae….
    Rami banar kam diSMA 2 tuh…
    Bila kam masuk SMK jurusan teknik apa?
    Wan, pabila kam pulang kabanjarmasin? Bila kam sudah ada dibanjar habari kawanan lah… Kita baimbai maambil ijazah disekolah lawan buhannya…
    Bisa kawan ku nih kam sudah baisi pacar,!! we….
    Mantan pacar kam wan dibanjar mangganang banar lawan ikam.
    Inya masuk SMA 1 Gambut Wan’ae…
    Kurniawan wahini baisi hp lah, lalu ae sombong kada mahabari kawan lagi.
    Kami samalam rami banar wan’ae takumpulan dirumah ajay, kami bakisan tentang sekolahan hanyar, oh iih lah, ayam kam samalam kam bawa jua lah kejawa?
    Sudah gin surat ku sampai sini ja lah, padahi lawan kaluarga kam sabarataan salam ja to.
    Dari kawan kam di Banjarmasin, Muhammad Riski.
    Wasalammualaikum wr.wb.

  5. Banjarmasin, 20 Oktober 2008
    Gasan sahabatku Dea di Balikpapan

    Assalamualaikum wr.wb
    De, kayapa habar ikam disana ? baik haja kalu ? mudahan ikam sakaluarga baik – baik haja. amien
    Dea, ikam disana masuk SMA mana ? aku disin masuk SMA 2 de ai. Sakulahannya barasih, urangnya baik – baik haja sabarataan. Sakulahannya ada kolamnya pulang.
    Tanamannya bagus- bagus ha pulang ikam. Aku katuju banar sakulah di SMA 2. Aku masuk kelas X6 de ai, asli rami- rami urangnya. Kawa di bawai bakakawanan ikam. Amun belajaran di kelas aku tu kam kompak sabarataan urangnya. Rami tu pang masuk SMA 2 ni.
    Sudah dulu gen lah surat aku ni, rasa handak tepacul tangan aku ni manulis. Mohon ae lah surat aku ni dibalas amun ikam ada waktu.
    Wassalamualaikum wr.wb

  6. Banjarmasin 20 10 2008

    Gasan kawan akrab Q Fatma di Samarinda

    Assalam Mualakum.Wr.Wb……
    Nangkaya apa kabar ikam di sana Fatma???Baikan haja kalu!!!Kuiatan ikam pank kaya apa habarnya..???
    Kaya apa sakulah ikam ?? Padah akan aku kirim salam haja wan kakawanan di sana lawan Wiwit,Sobrin,Sari,Jannah,Devi pokoknya lawan sabarataan kawanan kita sakulah dahulu…!!!
    Eh,, di sakulah Q yg hanyar nih gonol banar sakulahnya,kada lagi AQ sekolah bahayau~hayau.Rami kam sakulahdi sini.Dahulu aQ indah banar lo sakulah di sini ni,jaka kada kuitan abah Q garing,kada pindah AQ,Eh sekalinya rami haja sakulah di sini.
    Banyak QM Q beisi ke kawanan di sini ni,sabarataan bik~baik haja,kurag lebih lawan kekwanan kita dahulu tu.Sakulahan Q ni gin QM termasuk sakulahan yg tapaporit di Banjarmasin……..!!!
    Sudah dulu gin lah kisah dari Q,AQ handak mandangar pulang kisah dari ikam.Jangan kada di balas lah.HAARUS….!!!!!!
    HeHeHe +_*
    aja gin lah,,,, Assalam Mualaikum.Wr.Wb

  7. Banjarmasin, 20 Oktober 2008
    Gasan Sahabatku Riska di Palangkaraya

    Assalamu’alaikum Wr.Wb
    Ris, nang kaya apa habar ikam sakaluargaan di Palangkaraya sana???Baik haja kalu???
    Aku disini Alhamdulillah baik haja jua sakaluargaan.
    Wahini ikam masuk SMA mana????
    Aku masuk SMA 2 tuh, tahulah ikam???Disini kawanan kita yang dari sabilal sadikit haja kam, paling sapuluh urang haja.
    Eh, aku masuk kalas sapuluh anam, kalas yang paling ribut ujar guru-guru tapi rami haja ja pang??
    Mun ulangan kami sakalasan kumpak kam becontekan. Rami tu png !
    Oh , hiih ! Aku kira kalas-kalas di SMA 2 nginih baik kam, bebetton kaya kalas kita bahari.
    Sakalinya kalas sabalas lawan duabalasnya haja yang bebetton.
    Kalas sapuluhnya maka am dari kayu haja.heh!!!
    Tapi, bagus haja pang sakulahanku yang wayah ini.
    Bakulam iwak jua sakulahannya, ganal banar!!
    Bajalan dari muka kabalakang haja handak pacul batis.
    Eh, sudah gen lah suratku nginih.Kaina kita sambung lagi amun ada waktu. Kaina mun liburan ke Banjarlah…
    Eh, jangan kada ingatlah mambalas suratku nginih. Tega banar ikam amun kada mambalas suratkuku..hehe..
    Wassalamualaikum Wr.Wb

  8. Banjarmasin,20 Oktober 2008

    Gasan sahabat ku siska
    Di Surabaya

    Assalamualaikum wr.wb
    Sis,kaya pa habar ikam wayah ini, baik-baik haja kalu ? dan kaya pa zua habar mama lawan abah ikam. Kalu habar aku baik-baik haja jua. Sis kanapa ikam dahulu kada bapadah lawan aku kalau ikam pindah sakulah ? dan kanapa hanyar haja ikam bapadah.

    Sis ikam wayah ini sakulah dimana,kalau aku sakulah di SMAN 2 , ikam tahu lo ? uma ai ikam sakulahannya gonol banar halamanya gin gonol jua, kada pang kaya sakulahan kita bahari.eh,sis ikam handak tahu lah di sakulahan aku banyak banar kam lakian yang bungas-bungas, jakanya ikam masuk di sini bisa kita takumpul pulang,tapi sayangnya ikam sakulah di sana pang.

    Sis mun nya ikam ka banjar,jangan kada ingat lah bailang ka rumah aku,di rumah aku banyak pohon buah, kena kita mencokan ,ada pohon jambu,mangga,belimbing, bah banyak tu pang pohonnya sampai kada kahitungan.

    Sis sudah dulu gin lah surat dari aku. Pokoknya harus dibalas lah sudah uyuh-uyuh aku nulis sampai panat tangan ku. Kalau ikam kada mambalas talalu banar.

    Wassalam

    Sahabat ikam,

    Nuraida Ayu

  9. Gasan Sahabatku
    Irma Fitria di SMASA
    Banjarmasin
    20-oktober-2008

    Assalamualaikum…..
    Irma, kaya apa habar ikam wahini???, aku lawas banar nah kada badapat lawan ikam..
    Ikam masuk SMASA pang, habis kita tepisah. Aku wayah ini masuk SMADA, beseberangan aja padahal sekolahan kita..he..he….
    Eh, disekolahan ku rami banar kam…, gurunya kadada yang panyarikannya, jadi belajar tuh kada tapi takutan. Eh.., maka sekolahan ku nih lengkap lawan luas banar kam.., Lab IPA ada 3 buting, Lab Bahasa ada 2 buting, Lab Komputer ada 2 buting jua…, habis tuh lapangannya Luas banar pulang.
    Tapi SMA nih uyuh banar lah…, bulikan jam 2, kada kaya SMP bahari pang jam 1 sudah bulikkan.
    Ir…, kena amunnya ada waktu kita bakisahan lagi laah!!
    Eh, sudah gen dulu lah…, tangan ku panat nah sudah manulis…., kena kita sambung lagi!
    Da..da…aah….

    Salam manis
    Sahabat ikam…
    METHA LESTARI

  10. Banjarmasin
    20-oktober-2008
    Gasan Sahabatku
    Mahda di MAN 1

    Assalamualaikum..
    Mahda nang kaya apa habar ikam disana??? Kabar aku wahini baik-baik haja…..
    Ikam tahu lah aku masuk SMADA wayah ini…?? Di sini kam aku baisi kawan yang kaya ikam jua raminya…, aku sekolah disini kam rami banar, lawan gurunya jua baik-baik berataan. Di sekolah ikam pang rami jua lah,, lawan gurunya kaya apa?
    Ikam kada tahu lo.,, di SMADA nih banyak banar ruangannya, lawan jua ada kolamnya.
    Di wadah ikam pasti kadada kolamnya lo?? Maka kelas X nya ada 8 kelas, ruangan computer ada 2, lab IPA ada 3, lawan lab bahasa ada 2. banyak lo?, balum lagi kelas XI wan XII nya. Pokoknya disini tuh luas banar.
    Maka jua kantinnya banyak banar kada kaya SMP kita dulu, Cuma 2 aja lo??
    Eh… da, kena gin lah aku sambung kisahnya??? Soalnya tangan aku sudah uyuh menulis!! Kena kita batamuan ja lah kalau ada waktunya.
    Wasalam…

    Salam Manis
    KOYYIMAH

  11. Banjarmasin, 25 Oktober 2008

    Gasan kawan ku Indra Di Rantau.

    assalamualaikum……….!
    In,kayapa kabar ikam ,baik haja loe?
    lawas nah nda kada tatamu ikam”Ey In kayapa sakulah ikam yang hanyar!bagus lah ?
    nah,kada ingat ku memadahi ikam,wahinh ku sakulah di sman 2 In ae.
    tahulah ikam :Sakulahan ku yang hanyar nih bagus kam maka tarkanal banar pulang sakulahan ku nih.
    In,babila ikam handak ke banjar lagi.Lawas nah kita kada batamuan,karindangan nah ku lawan ikam In ae.sudah dulu lah,eh jangan kada ingat di balas kawan lah………!

    wassalam………!!!
    dari kawan ikam

    dani

  12. Banjarmasin, 25 Oktober 2008

    Gasan kawan ku Andre diTanjung

    Assalamualaikum wr.wb.
    Dre, kayapa habar ikam mudah mudahan’ae baik baik aja lah.
    Ini aku ari diBJM kawan SMP kam dahulu. Masih ingat ja lo kam lawan aku?
    Dre aku karindangan banar lawan ikam, lawas banar nah aku kada batamu lawan ikam.

    Dre aku ni mangirimi ikam surat nih handak bakisah banarai tantang sakulahan ku wahini. Aku sakulah diSMA 2 bjm, salah satu sakulahan nang jar urang tu sakulahan papurit nang ada diBJM.
    Dre, di sana tu siswanya baik-baik sabarataan lawan loco loco kam urangnya, gurunya gin baek baik samunyaan.

    Udah gin dulu suratnya, kena ada ja habar ku yang hanyar.

    Wassalamualaikum wr.wb.

    Ari van syah

  13. Banjarmasin, 20-oktober-2008

    Gasan Dina sahabatku
    Di Banjarbaru

    Assalamualaikum wr.wb.
    Din, nang kaya apa habar ikam wayah ini?? Baik-baik haja lo?? Sudah lawas banar kita kada pernah batamuan. Unda karindangan banar lawan ikam. Unda handak bacarita kalau unda wayah ini sekolah di SMAN 2 BJM. Nang sekolahnya tu baik banar, unda masuk kelas X-6 din ai. Anaknya rami-rami tapi kada kalah rami kaya sekolah SMP kita nang bahari. Unda kaingatan lawan ikam tarus, andai haja ikam semalam kada pindah, bisa wayah ini kita sama sekolahannya.

    Din unda tarus akan lagi ceritanya lah! Tahu kada ika din, uma ai sekolahan ku ni Luas banar, kelas X aja wadahnya di bagian belakang. Maka banyak banar ruangannya, Kelas X haja ada 8 ruang belum lagi kelas XI lawan XII di tambah ruangan lainnya.., uma ai.. aku kada kawa mehitungi tu pang.
    Din unda umpat ekskul Paskibra, nang urangnya tu rami banar, pokoknya kompak tu pang. Semalam pas 17 an unda lawan agota paskib nang kelas X mngibar bendera di sekolahan, kami mamakai baju kebesaran nang warnanya putih-putih tuh. Dan tahu lah.. berataan di suruh potong rambut pokoknya harus pendek. Uma ai bangga banarunda kaya ngibar di istana merdeka taulah ikam.

    Sudah dulu gin din lah…, unda uyuh banar manulis, kena pabila ikam dating ke banjar unda kenal akan lawan kawan-kawan unda yang baru.
    Oh…. Ya..jangan kada ingat di balas din lah.
    Salam buat keluarga berataan. Unda tunggu balasan ikam.

    Wassalamualaikum wr.wb.

    Wassalam

    FITRIAH.

  14. Banjarmasin 26 0ktober 2008
    Gasan kawanku Deasy
    di Banjarbaru

    Assalamualaikum.wr. wb.

    Des aku Dhea kaya pa habar ikam? baik-baik haja kalu?………………….. mun aku baik haja pang? Ikam sakulah dimana wahini Des?????? kalu aku sakulah di SMAN 2 Banjarmasin. Aku disini rami banar kam karena banyak kawan,maka pula guru-gurunya baik banar,kakanya gin baik jua pokoknya kada manyasal pang sakulah di smada.
    Aku masuk di kalas X6,di parak kalas ku tuh ada kolamnya di sakulahan ikam pasti kadada kolamnya loe? sian dech loe??? pokoknya rami banar kam sakulah di smada nih

    eh, sudah gin lah ….
    panat ku manulis
    balas surat ku lah jangan sampai kada ingat
    salam gasan mama abah ikam.
    kutunggui surat balasan dari ikam.
    Aku banyak-banyak minta maaflah kalu ada salah wan ikam.

    Wassalam.Wr.Wb. .

    sahabat ikam,
    Dhea

  15. Banjarmasin. 20 Oktober 2008
    Gasan sahabat ku, Ilham
    Di Sulawesi Selatan-Makassar

    Assamualaikum Wr. Wb.

    Apa habar ikam di Makassar ham?. Mudah-mudahan habar ikam baik-baik haja. Koyo banarlah wahini ikam wahini bubuhan kami nang di Banjar. Sudah kada mailangi kami, kada membari tahu pulang dimana wahini ikam batinggal. Syukur bubuhan kami baisi kawan di Assalam jaka kada, bubuhan kami kada tahu tu pang ikam wahini dimana.

    Wahini ikam sekolah dimana ham?. Nang kaya apa sekolah wan kelas ikam disana?. Kalau aku wahini sekolah di SMAN 2 BJM wan aku masuk dikelas 10-6. Seberataan kelas 10’nya bekayu behabis tu pang tapi kelas bubuhan kami ni kelas nang paling ribut, paling rami, paling rigat dll. Pokoknya kelas kami ni labih tarusae dari kelas nang lainnya. Ikam tahulah, biar nang kaya itu ja kelasnya, kelas bubuhan kami ni ikatan kekeluargaannya erat banar tu pang. Kada bisa pang bubuhan kami ni bekelahian sesama kawan sekelas. Tapi pernahae bekelahian wan kaka kelas. Tapi wahini kada lagi pang. Baaliman behabis sudah bubuhannya. Bujurae baaliman berataan tapi tetapae juwa disangiti wan guru-guru, biasa kenakalan remaja.

    Nang paling rami tu lah, bubuhan kami ni kena hukuman waktu upacara senin gara-gara begayaan tarus tu pang waktu upacara. Habis tu bubuhan kami disuruh bejalan tapi bedungkung ke tengah lapangan. Lalu bubuhan kami disuruh maucap janji kada lagi begayaan atau ribut waktu upacara. Laluae bubuhan kami ni babulik lagi kekelas.

    Mun ikam handak pindah sekolah ke Banjar, kesekolah ku ja lah pindahnya!. Dijamin rami tu pang!. Kaka kelasnya rami behabis.

    Aku hadangi ikam bailang ke wadah aku wan ke sekolah aku!. Jangan kada ingat dibalas surat ku nang bungas ne!. Aku hadangi balasan surat dari ikam.

    Wassamualaikum Wr. Wb.

    Salam hangat Sahabat mu,

    Anis Belinda Z.

  16. Banjarmasin,26 Oktober 2008
    Gasan Kawanku
    Dea
    Di –
    Tempat
    Assalamualaikum Wr. Wb.
    Uuuuiiiiiiiiiiiiiii Urangnya………………
    Kyapa habar baik haja lo….?Mun aku baik haja….Situ lah jauh banar sakulah lah….Rami jua kah?Amun di sakulah ku kam rami banar…Mka sakulahan nya bagus banar pulang…..Di muka kelas ku haja ada kolam nya…Tapi sayang kolam nya rigat jaka barasih ku caburi tu pang….HaHaHa….
    Dangar-dangar situ jar lah sakulah di Smasa BJB…Kyapa td sakulahan nya?Wayahini aku sakulah di SMA 2…Dahulu kam ingat kada?Kam bapadah handak sakulah di SMADA jua membawai ku….Sakilinya sidin ae jauh banar sakulah….
    Rami jua kah d banjarbaru?Berapa ikung sudah baisi pacar….mencari tu bayaki lawan yang bungas-bungas kaya ku jua…Hahaha…….Aku haja 2 hudah baisi pacar……Hehehe…..Sabutig cadangan…………..

    Eh hudah gen dulu lah….Uyuh bbaar ku hudah manulis na……..Ikam nyaman ae mambaca haja kawan kada katulisan nah………..Panat banar hudah tangan…………..
    Jangan kada ingat di balas lah…….
    Salam haja lawan mama lawn abah…………..

    Wassalamualaikum wr.wb

    Kawan saparjuangan

    Edwin

  17. Banjarmasin, 20 Oktober

    Assallamualaikum wr.wb.

    Gasan kaka nang ada di Samarinda, sabalumnya ulun batakun kayapa habar pian? Mudah-mudahan baik haja, ulun disini baik-baik haja.
    Ulun handak umpat bakisah nah, kawan pian dahulu nang ngarannya Imam wahini pindah hudah ka Samarinda jua. Adakah pian tatamu lawan kawan pian tu disana?
    Jar danger sidin tu disana kuliah jua sama nang kaya pian. Tapi ulun kada tahu jua pang apakah sidin tu sakampus lawan pian.
    Kayapa ka disana nyaman ja lah mancari makanan nang kaya di Banjar? Sabuting lagi ulun handak umpat batakun, dimana alamat kos-kosan pian disana? Sabab ulun bisa akhir bulan ne handak kasana lawan mama abah.
    Ka pabila pian bulik kasini, mama lawan abah mangganang banar nah, makanya kami saking lambatnya manunggui pian bulik kasini, kami nang manunti kasana.
    Sakian surat dari ulun, ulun hadangi balasan dari pian.

    Wassallamualaikum wr. Wb.

    Ading pian

    Edi Susanto

  18. Banjarmasin 20 oktober 2008

    Gasan kaka qw tercinta…..

    Salam sejahtera,
    Gasan Vina kaka ulun di Balikpapan, sabalumnya ulun ndak betakun kyapa habar pian? Baik-baik haja kalo? Mama, abah, lawan ulun baik-baik haja di Banjar….. ulun ndak bakisah semalam ulun tetemu babinian bungas banar nangkaya bidadari turun dari langit , sakalinya inya tuh sakalas lawan ulun, ulun PDKT ae lawan inya, lawas kelawasan lun nie sayang banar wan inya, lun tambak ae inya sakalinya ulun di tolak nya, ulun sakit hati lalu pas inya menolak ulun….. Ka kaina lagi lun bakisah tentang perjalanan ulun mandapat akan tu babinian….. Ka coba kaina ka Banjar rami kita bakumpul kaya dahulu…….. Sakian dulu kisah (surat) dari ulun… Ulun tunggu balasan dari pian….

    Salam sejahtra,
    Dari ading pian yg bungas

    Ega shelfandi putra

  19. Gasan kawan ku di barabai

    Assalamualaikum ri.
    Ri, kaya apa kabar ikam di sana?? Baik-baik ja kalu. Aku handak bakisah nah lawan ikam. Ni aku masuk ke sakulah SMADA. Pas pambagian kalas hanyar, aku dapat kalas X-6. Aku kada sabar lagi malihat kalas aku yang hanyar, sakalinya aku malihat kalas aku yang hanyar tu, ku takajut malihatnya. Jangan ikam kira takajut kabagussan lah, ku tu takajut gara-gara malihat kalas hanyar ku tu hancur banar, papan tulis nya balubang, jendelanya kada bekaca, bangku lawan mejanya hancuran pulang. Beh, pokoknya kada nyaman tu pang di lihat. Ku kira SMADA tu baik banar, bujurai baik, tapi baik di lihat dari luarnya ja. Tapi ada yang beda pang dari kalas aku yang hanyar nih….,,,di kalas aku yang hanyar ni lah,babinian nya bungas-bungas. Nyaman banar dilihat. Biar kalas nya kada nyaman dilihat,babiniannya barang yang nyaman di lihat.HEHEHEHE.Ri,sakian dulu lah aku bakisah. Bagantian pulang, ikam balasi lah kayapa sakulah lawan kalas ikam yang hanyar. Jangan kada di balas ri lah???,,,

    Kawan ikam di Banjarmasin, 25-10-08

    M.Indra Rizani

  20. Banjarmasin, 27 Oktober 2008

    Gasan kawanku Malinda

    Assallamualaikum wr. wb.

    Ehem ehem…
    Kaya apa habar ikam dung ?
    Kenapa wayah ini ikam kada bulik-bulik aja lagi kebanjar ? kenalah amun ikam kebanjar bawa-bawa ha itik sagin ku…
    aku handak marasai yang ikam gaduh tu…

    Ingat juwalah ikam masih lawanku.
    aku karindangan lawan ikam dung ai. mulai lagi halus kita bakawanan tapisah wayah ini
    umai lah …
    rasa kada biasa dung ai…

    Dung-dung, tahulah ikam
    wayah ini ku sekolah di SMU2 , Hohoho
    jaka ikam sekolah sama lagi lawan aku. bisa tambah rami.

    dung, dahulu kelas kita 9-1 kalo…
    wayah ini ku di 10-6 dung ai, belajarnya gin lainan kita SMP .
    dahulu gurunya yang aktif.
    wayah ini kitanya yang pintar-pintar sorang

    sudah gin, aku bekisahnya lah.
    jaka ikam handak tahu lagi lakas-lakas ikam kebanjar.
    aku handak bekisah banyak banar lagi.

    ingati bawakan itik, hokhohooohh’ooo
    nyaman uma ku maharagukan rampahnya…

    dibalaslah surat aku. aku hadangi

    salam manis
    dari akyuuu

    masitoh

  21. Banjarmasin,20-oktober2008

    Gasan kawanku Rinda di Bogor

    Ass.wb.wr kayapa habar ikam disana Rin??baik haja kalu?habar dingsanak-dingsanak ika baik haja jua kalu?
    kalu habar ku Alhamdulillah baik haja,kaya apa sakulah ikam?masuk sma mana ikam?rami hajakalu dsma ikam?kalu aku masuk SMA Negeri 2,di sini rami banar ikam kakawananku baik-baik banar sabarataan,tapi kalas ku kada bengkeng kam.Biar kada bengkeng kakawanan ku asyik-asyik kadada nang koyo nya,Dalam balajar kami batutulungan kalu kada bisa mangarjakan soal.
    Pokoknya rami banar sudah sakulah di Sma ku nginih.
    ayuja sudah gin lah rasa tapacul-pacul tanganku manulis nah,pokoknya ikam harus mambalas surat ku nginih
    Wass.wb.wr

    NuRhayah

  22. Banjarmasin
    20 Oktober 2008
    Gasan kawanku
    Elly Hadyati
    Di:Banjarmasin

    Ass.wr.wb.,kaya habar ikam wahinih baik-baik haja kalo,??? Kalau habar Aku baik-baik jua di sinih.
    Kiapa sakulahan ikam wayahini.? Rami jua kah.? Di sekulahan Aku rami ae pang tapi kada serami sekulahan kita waktu SMP dulu tuh.!!!
    Bisa ramian kaina lou,soalnya hanyar pang,jadi balum tapi patuh urang-urang nya.
    Ai,Elly tau lah ikam? Aku satu sakulah wan si Prio kawan kati di SMPN3 dulu,yang bore banar tuh nah urang nya. Maka kam Aku nih sekelas pulang wan inya tuh,sakit banar Aku kepala sekelas wan inya tuh benyanyi tarus urang nya si Prio tuh.
    Elly kelas ikam,di sakulahan kanyar ikam tuh bengkeng lah.? Kalau kelas Ku disinih kada tapi bengkeng kam.!! Tapi Aku tatap senang sudah di terima sakulahan di SMAN2 Banjarmasin nih.
    Soal pelajaran kami disinih galih banar kam. Tapi kami batatulungan haja sabaratan.

    Nah sudah lah dulu surat dari Aku.,Salam sabarataan haja lah lawan urang di rumah lah.

    Ttd
    Diah Fitriati Haliza

  23. Banjarmasin, 20 oktober 2008

    Gasan : Sahabatku Evi Hadijah
    Di : smusix Banjarmasin

    Assalamualikum wr wb. Evi apa habar ikam wayah ini ? Munnya habar aku baik ja. Ikam pank ? Kaya apa sekolahan ikam wahini ? Di sekolahan aku rami banar kam… kada kaya sekolahan kita smp dahulu.. di Smada aku bisi kawan, inya sabarataan rami-rami.. ngarannya Metha, Fitria, lawan Koyyimah.
    O…iih, di sekolahamn aku kam ada kolamnya.. di sekolahan ikam pank ? Tahu lah , semalam tuh ada nang tecabur, kawan sekelas ku jua. Ngarannya Koyyimah. Lawan jua di sekolahan aku hibak banar…. Kantinnya… nangkaya warung di pasar tuh naa… ! tinggal duit nya aja lagi.. ada ka ?
    O..iih pabila kita bakumpulan lagi ? lawan jua kanapa hari raya kada ka rumah aku ? Aku mahadangi tahu lah ?
    Ae.. Evi, di smusix sapa aja kawan kita ? banyak laah yang masuk situ ? di situ ada bahasa jepangnya lah ? disini ada … di situ pank ? ak karindangan banar lawan ikam Evi ae.. Balasi lah suratku… Ku hadangi.. Balasannya…Salam gasan kakawanan kita di smusix lah…
    Wassalamualaikum wr wb.

    Sahabat ikam

    Fitri Nor Laily

  24. Banjarmasin,20 oktober 2008

    Gasan kawanku Nadia di Jakarta

    Ass.Wr.Wb Kaya apa labar ikam sekeluarga disana baik-baik haja kalu ? aku di sini baik-baik jua.
    Kayapa sakulah ikam di sana, masuk mana jua ? kalu aku di sini masuk SMAN 2.
    Di sakulahku rami banar tahulah,kakawananku baik-baik di sini kadada yang koyonya. Aku sanang banar dapat kakawanan yang baik,lucu kaya kawanan di sini.
    Kelasku di sini kada tapi bengkeng kam,tapi aku tatap sanang sakulah di sini,kalu soal pelajaran kami sabarataan batutulungan sabarataan kompak banar.
    Pokoknya rami tu pang sakulah di SMAN 2 nginih.

    Ayuja sudah dulu ginlah rasa pacul tanganku nah manulis, pokoknya harusikam balas surat ku nginih.
    Wass.Wr.Wb

    sahabat ikam

    Ekrima Ariska

  25. pa, ulun sudah masukkan tugas nya nih lebih 10 kali sudah…
    tapi tetap kada muncul juwa d layar…

    kyapa ini pa..???

    mohon di tuntaskan…

  26. Banjarmasin, 22 Oktober 2008

    Gasan Sahabat ku, Erdi
    di Semarang

    Assalamualaikum wrb…
    Er,ap kabar nih? Sihat haja kalu? Alhamdulillah…
    Lawas banar kita kada batmu nah. Krindangan banar aku lawan ikam.
    Er, Tahu lah, Aku wahini sakulah di SMA2. Itu nah, Sakulah yang ku padahi lawn ikam bahari tuh. Yng aku handak banar sakula di situ.
    Alhamdulillah, aku di tarima juwa sakulah di Smada nih.
    Di sini aku kalas X-6 Er ai, Rami banar kalasnya. mun nya jam balajaran, suniy lalu. Tapi pang, mun sudahnya jam kosong, liwar abut nih kalas. Kaya pasar haja lagi. Hahahaha….
    Er, ikam pabila bulik ka Banjarmasin lagi? Kakawanan di sin karindangan banar lawan ikm. Mun liburan, hancapi bulik lah. Kami hadangi.
    Er, sudah dulu lah surat ku nih. Kena kita sambung lagi.Aku pamit dulu lah. Salam gasan Kuitan ikam dan Asrie. Dadah Erdie…

    Wasalamualaikum wrb….

    Sahabat ikam

    Fatih Anwar

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s