Kelas X 7

Silakan masukkan tugas Anda dalam kolom yang disediakan. Jangan lupa menuliskan e-mail Anda!

Iklan

31 comments

  1. Banjarmasin,23 Oktober 2008
    Gasan Kawanku
    Qadratun Nadha
    Di –
    Tempat

    Assalamualaikum Wr. Wb.

    Nadha kaya apa kabar ikam wahini? Baik-baik aja kalo. Kalaunya kabarku baik-baik aja pang. Ikam wahini sakulah di mana? Aku sakulah di SMAN 2 Banjarmasin,disakulah ikam tu ramilah? Siapa aja kawanan SMP kita yang sakulah di situ? Di sakulahanku rami banar kam,tapi kakanakannya macal barataan maka buhau-buhau pulang, baik kam kawanan di SMP dahulu.

    Bangkunya sama bangku kuliahan disini,ikam pang kaya apa bangkunya dikelas? Kenapa ikam kada sakulah di SMAN 2 ja? Nyaman kita bisa satu sakulah lagi.

    Eh,kalau kada salah jar buhannya ikam sakulah di Pondok Pesantren Gontor kah? Ma ae lah bealim banar kawanku nih,aku samalam handak ae masuk di Gontor,tapi aku di sangiti mamaku,jar mamaku ikam di Banjar ja sekolah,masuk SMA Negeri ja gin kam. Aku turuti apa jar mamaku ja.

    Eh,sudah gin lah surat ku nih,aku lapah dah manulisnya,lawan tinta pulpen ku handak habis juwa pang. Balaslah surat ku nih!!

    Wassalam

    Dari kawan ikam

    Heldayanti

  2. Banjarmasin, 23 Oktober 2008

    Gasan Deni,

    Lawas banar kita kada tatamu, kayapa habar ikam wahini? baik-baik ja kalu. Barapa lawas kita kada katamu dah? Ikam sekarang sakulah dimana? Kalo aku sekolah di SMA 2. Ikam kelas berapa di sakulah ikam? Kalu aku kalas sapuluh tujuh Kayapa keadaan sekolah ikam di sana? masih rancak bolos lah? Kalo keadaan sekolah ku rame banar. Di muka kelas ku ada kolam yang ganal, jadi kalo ada murid yang Ulang Tahun di caburakan ke kolam tuh. Lapangannya luas banar. Di sekolah ku guru-gurunya juga baik banar, kada tapi mau menyarik. Kakawanan ku baik banar tapi katuju banar bagayaan. kalo di sekolah ikam penyarikan lah guru-gurunya? Den, di sekolah ikam ada melaksanakan Ujian Tengah Semester lah? Kalo aku ada, maka soalnya ngalih banar, lawan banyak banar. Ada buhan SMP 2 yang satu sekolah sama ikam kah?

    Sudah dulu lah surat dari ku, balas lah surat dari ku, tapi jangan lawas-lawas. jangan kada ingat. Dari kawan ikam Dominggo.

  3. Banjarmasin,23 Oktober 2008

    Gasan :
    Ahdiyati
    Di –
    Tempat

    Assalammualaikum Wr.Wb.

    Hai Ti,apa habarnya nih? Baik haja lo. Aku gin disini Alhamdulillah baik haja jua. Ai,amun kada salah jar buhannya ikam sakulah di SMKN 5,bujurlah? Jurusan apa? Amun aku sakulah di SMAN 2 pang.
    Panambaian masuk di SMAN 2 aku takutan jua ai,kadada kawanan kita yang masuk kasini,paksa ai aku SKSD lawan urang biar baisi kawan. Tapi pas kalawasannya rami jua ai sakulah disini.Sakulahnya bagus banar lawan lapangannya luas,guru-gurunya sabarataan baikan banar lawan jua murid-muridnya dari kalas X sampai kalas XII ramah lawan kada sombong.Sakulah ikam pang kaya apa? Rami jua lah? Kisah akan pang kena lah!
    Disini jua aku banyak baisi kawan,orangnya baikan sabarataan sayangnya urangnya bore-bore lawan rancak tumbur di kalas,kaya itu pang disakulahan pasti ada abut lawan tumburnya. Tapi biar kaya itu urangnya pintar-pintar kada kalah jua lawan sakulahan lain.
    Sudah dululah,aku uyuh banar nah manulis.Kena jangan kada ingat lah mambalas suratku ini.

    Salam Manis

    Raimah

  4. Banjarmasin,23 Oktober 2008
    Gasan :
    Fairush
    Di –
    Tempat

    Assalammualaikum Wr.Wb.

    Ai urangnya kaya apa habarnya nih? Aku disini baik-baik haja. Aku handak kabar ikam baik jua. Lawas nah kita kada batamuan,aku dandaman banar lawan ikam. Banyak banar kisah yang handak aku panderakan lawan ikam.

    Aku wahini sakulah di SMAN 2 Banjarmasin,parak haja lawan sakulahan SMP kita dahulu. Disini lumayan rami tapi balum serami di SMP kita dahulu. Sakulahku bagus banar kam lawan luas lagi. Di muka kalas ku haja ada kolam iwaknya,harat lo! Aku di sakulahan kada tapi banyak baisian kawan paling kawanan ku yang ada di kalas haja jua. Eh ikam pang kaya apa? Sakulah dimana? Rami lah? Aku handak tahu jua nah kundisi sakulah ikam nang kaya apa.

    Sudah dulu gin lah suratku nang ini,jangan kada ingat lah mambalas.

    Wassalam

    Salam Kakawalan

    Endang

  5. Banjarmasin, 23 Oktober 2008
    Gasan AA yono
    Di JAKARTA

    Assalammualaikum Wr.Wb.

    A apa habarnya nih? amun ulun baik-baik haja pang ,wan kaya mana barumah disana nyaman haja lah?amun ulun masih nyaman diBanjar pangnah .ulunka ai sudah lulus smp wan manarusakan sakulah di sma 2 nang paling dikatujui urang tunah a ai.
    amun pian pang A nyaman hajalah bagawi disana?
    A amun ada kaka bulik ka Banjar singgah lah di rumah ulun wan anak wan bini pian tu sualnya waktu pian kawin ulun kada sawat tulak ka JAKARTA nah A sudah dulu A lah surat dari ulun ni sualnya ulun lagi siap-siap handak ulangan tangah samester

    Wassalam

    Salam wan kaluarga

    hadri

  6. Banjarmasin, 23 Oktober 2008
    Gasan Saldy
    Di –
    Jakarta

    Assalamualaikum Wr. Wb.

    Saldy, kaya apa kabar ikam di sana? Baik ai kalo? Mudahan kada tambah lamak lah! Aku rasa dandaman lawan ikam. Lawas kada batamuan pang!

    Kaya apa rasanya sakulah di Al-Azhar Jakarta? Rami banar kalo lah? Padahal aku gin dahulu handak jua sakulah ka sana. Tapi, abahku kada membolehakan. Kada wani malapas jar!

    Aku sakulah di SMA 2 wahini. Rami ai di SMADA nih! Tapi, bisa kada serami di Al-Azhar pang! Di sini halamannya luas banar, ada kolam di muka kelas X-nya. Gurunya baik-baik. Kawananku gin rami-rami samuaan. Al-Azhar pang kaya apa?

    Wahini aku tatamuan lawan kakawalan SD bahari. Bubuhannya pina kada ingat lagi lawan aku. Tapi, kada papa jua pang! Rami aja beisi kawan hanyar.

    Saldy, sudah gin lah! Kena disambung lagi bekesahannya. Bila ikam bulik ka Banjar, habari aku lah! Sal, jangan kada ingat membalas suratku.

    Wassalam

    Rima

  7. Banjarmasin,26 Oktober 2008
    Gasan Kawanku
    Dea
    Di –
    Tempat
    Assalamualaikum Wr. Wb.
    Uuuuiiiiiiiiiiiiiii Urangnya………………
    Kyapa habar baik haja lo….?Mun aku baik haja….Situ lah jauh banar sakulah lah….Rami jua kah?Amun di sakulah ku kam rami banar…Mka sakulahan nya bagus banar pulang…..Di muka kelas ku haja ada kolam nya…Tapi sayang kolam nya rigat jaka barasih ku caburi tu pang….HaHaHa….
    Dangar-dangar situ jar lah sakulah di Smasa BJB…Kyapa td sakulahan nya?Wayahini aku sakulah di SMA 2…Dahulu kam ingat kada?Kam bapadah handak sakulah di SMADA jua membawai ku….Sakilinya sidin ae jauh banar sakulah….
    Rami jua kah d banjarbaru?Berapa ikung sudah baisi pacar….mencari tu bayaki lawan yang bungas-bungas kaya ku jua…Hahaha…….Aku haja 2 hudah baisi pacar……Hehehe…..Sabutig cadangan…………..

    Eh hudah gen dulu lah….Uyuh bbaar ku hudah manulis na……..Ikam nyaman ae mambaca haja kawan kada katulisan nah………..Panat banar hudah tangan…………..
    Jangan kada ingat di balas lah…….
    Salam haja lawan mama lawn abah…………..

    Wassalamualaikum wr.wb

    Kawan saparjuangan

    Edwin

  8. 24 oktober 2008

    Gasan Udin di Kandangan
    Assalamualaikum wr.wb

    Kayapa habar ikam lawan kaluarga ! baik aja kalo ! kalau aku baik – baik haja sakaluargaan !. Kayapa lulus ja lah sakulah SMP !
    mudahanae lulus ! aku lulus nilainya bagus haja ! q kawa masuk ka sakuklah nang bagus . Aku tamasuki SMADA nang di galari urang sakulah model tu na _ , ikam pank sakulahannya dimana ? . sakulahan ku bagus , kelasnya bagus jua ! apalagi guru – gurunya ma’ae anum – anum lawan bungas – bungas pulang . Aku balajar nyaman banar disitu ,
    saking nyaman nya teguring -guring ku belajar .udah lah ! ku sibuk banar na selawas jadi anak SMADA . banyak PR ! . Aku mamadahi banarai , jangan disangka ku sombong lah ! mentang – mentang aku sakulah di sakulahan model ! jangan kada ingat mambalas surat
    ku nang ku kirim ni lah ! lawan jangan di kada ingatakan selajur ! AWAS KAM _) ^~^

    wass wr. wb

  9. Banjarmasin, 25 Oktober 2008
    Gasan :
    Maria
    di
    Banjarmasin

    Assalamuailaikum wr.wb

    Kaya apa kabar ikam wahini maria ? Baik ja lo ? Kabarku wahini baik ja pang. Ikam wahini sakulah dimana ? Mun, aku sakulah di SMAN 2 Banjarmasin. Kaya apa sakulah ikam disana rami lah ? Mun aku rami banar, aku banyak baisi kawan hanyar, tapi kawan aku nang paling baik ngintu ikam ja pang maria ai.

    Wahini aku kalas X-7, dikalas ku tuh rami lalu, kakawanannya baik-baik tapi bubuhannya tuh mun balajaran pasti ribut lalu. Disakulahku barasih lalu halamannya.

    Sudah dulu gin lah ? Jangan kada dibalas !!!
    Salam ja lawan kaluarga ikam.

    Wassalam

    Maya

  10. Banjarmasin ,23 oktober 2008
    Gasan:
    Nita
    Di:-
    Banjarmasin

    Assalamualaikum wr.wb.

    Hai,nita,kayapa kabar tadih?aku du’a akan ikam baik-baik haja.amun aku baik-baik haja pang.kayapa tadih sakulah ikam di SMK 1 Banjarmasin?bisa ramilah!Aku wahini sakulah di SMA N 2 Banjarmasin nah.Ramikam di sakulahku.Aku banyak sudah baisian kawan.Ikam pang?Pasti banyak banar jua.Sama bisa lawan aku.

    Di sakulahku ada kulamnya.Di dalamnya gin ada iwaknya,tapi aku lawan kawananku kada kawa ma ambil iwaknya.Kadada unjunannya pang.Jadi kami kada kawa ma ambil iwaknya.

    Nita,lawas banarlah kita kada tatamu,Pabila yulah kita batamuan?Di mana yulah kita kawa batamuan?Kaganangan nah aku lawan ikam.Handak bagayaan lagi nah aku lawan ikam.
    Hudah gin la,uyuh banar aku manulis.Ikam nyaman banar bamudal mata haja.Aku makaam bamudal banyak.Diingattakanlah mambalas suratku .Jangan kada ingatlah!

    wassalam

    Salam manis

    Tiwi

  11. Banjarmasin, 23 Oktober 2008
    Gasan :
    Tia
    di
    Banjarmasin

    Assalamualaikum wr.wb
    Ya, kaya apa kabar ikam wahini ? baik haja kalu, kabar aku gin baik-baik haja. Wahini ikam sakulah dimana ? Aku wahini sakulah di SMAN 2 Banjarmasin, dikalas X-7. Wahini gin aku banyak baisi kawan hanyar, ikam pang ? Disini aku umpat ekskul PMR. Disakulah ikam pang, ikam umpat ekskul apa ? PMR jua kah?

    Eh, ya aku sakulah di SMA 2 nih, aku kada bekendaraan sorang, aku diantar haja. Mama abah ku takutan kalu aku bakandaraan sorang, kalu pina apa-apa jar. Tapi kaina kalas sabalas aku ditukarakan kandaraan, do’a kan lah supaya capat nungkar kandaraannya. Sudah dulu gin lah, surat dari aku. Aku hadangi balasan dari ikam.

    Wassalam

    Rina

  12. Banjarmasin, 23 oktober 2008

    Gasan:
    Rahma sahabatku
    Di-
    Banjarmasin

    Assalamualaikum wr.wb

    Rahma, kayapa habar ikam disana? Baik-baik aja lo? Aku disini baik banar. Ma, kayapa sekolah ikam wahini? Rami ja lah? Di sekolah ku wahini rami banar kam, aku wahini gin kada pernah talambat lagi. Disiplin banar disini. Ikam pang masih ja lah talambat tarus kaya dulu? Ma, tahu lah kam kelas ku wahini sama kaya kelas kita dahulu, urangnya disini macal-macal, kada ketaguran tu pang. Timbul kangen ku nah lawan buhan kam. Kapan yo lah kita bisa tatamu?
    Ma, balas lah surat ku!
    Wassalamualaikum wr.wb

    Salam kangen

    Sahabat ikam Vieta

  13. Banjarmasin, 27-10-2008
    Gasan Sahabatku ANIS
    di-
    Gambut

    Nis, kayapa habar ikam wahini, baik-baik haja kalo ?
    habar aku d sini baik-baik haja jua ,
    Nis, kayapa nyaman lah sakulah ikam nang hanyar nih ?
    di sakulah ku rami kam ,bubuhan kakawanan ku rami-rami lawan lucu-lucu bahabis. Banyak nang pina kada waras nya ,tapi sama haja pang nang kaya aku jua toh
    lawas kam aku kada malihat bubuhan kakawanan SMP kita nang dahulu ,kayapa jua kah habar bubuhan nya tu lah imbah kita lulusan lalu ja tapisahan barataan ,kadada tadapat aku nah .
    amun nya ikam ada tadapat lawan bubuhan kakawanan kita SMP d sakulah ikam ,salam akan lah lawan sabarataan nya.
    sakulah aku kam dalam nya luas banar, tapi itu lapangan bula ,lapangan basket,lawan wadah gasan parkir kendaraan nya haja pang .mun kalas nya sama-sama haja pang rata-rata barataan nya.
    Sakulah ikam pang nang kaya apa zua ?

    Uiii Nis ,sudah dahulu lah, aku lapah banar nah manulis .
    Di balas lah surat ku ini ,jangan kada ingat membalas.

    Wassalam

    SANDRA

  14. Banjarmasin, 23 oktober 2008

    Gasan Lola,
    Di –
    Martapura

    Assalamualaikum wr.wb

    Kayapa habar piyan disana ? mudahan piyan disana sehat-sehat haja lah, ulun disini baik-baik haja na, kayapa sakulahan piyan disana to ? katuju haja lah lawan piyan lawan kakawanan disana ? sama lah lawan kakawanan kita dibanjar ?

    Ulun wahini sakulah diSMA Negeri2 nah, uma piyan rami banar piyan kawanan ulun disini. Kami sudah cucuk banar bakawanan sudah bawanan, kalo istirahatan baimbaian kami sabarataan ka warung bamakanan wadai lawan baminuman banyu rami banar piyan. Sakulahannya ganal pulang, macam-macam paralatan balajar langkap haja pulang disini.

    Kaina ulun handak jua tahu lah kisah piyan, kawanan piyan lawan sakulahan piyan disana, aija nah sampai disini dulu surat ulun lah kaina pulang kita sambung, tapi jangan kada dibalas lah surat ulun nih, ulun salam haja nah lah lawan mama abah piyan.

    Wassalam,

    Adelia Puspita Sari

  15. Banjarmasin , 26 oktober 2008

    Gasan Dina ,
    Di –
    Martapura

    Assalamualaikum wr.wb

    Din , kypa habar ikam ?? mudahan baik ja lah..sakulah kam kyapa..??banyak ja lah bisi kawan ?? biar kam banyak bisi kwan,,jangan jua malupakan yang ad di sini ..
    Ku wahini sakulah di sma 2 ,, yang di jalan mulawarman tuh..ada lo..bagus banar kam sakulahan nya..ku disini banyak banar bisi kawan..pintar pintar pulang kwanan ku..lapangan sakulahan ku ja ganal banar..ad lapangan basket,voli,lawn lapangan bendera..fasilitas nya gen banyak banar..langkap pulang..mana spp nya larang banar..
    Din, kalakuan jangan tapi macal lah..disadangi dah..sudah kalas 1 sma kalo..
    Mama wan abah kam kyapa dsana?? Baik ja lo jua…padahakn salam ja lah gasan sidin..
    Ayu ja gen dah..kaina pulang lah..sampai dsini haja gen surat ku..jangan kada di balas lah..

    Wassalam,

    Adetya noriz kyka

  16. Banjarmasin 28 oktober 2008
    gasan sahabatku
    di-
    Banjarbaru

    Assalamualaikum..wr…wb…
    kayapa kabar ikam disana? Mum kabar aku di sini baik-baik aja. Rami lah sekolah disana?aku wahini sekolah di SMA 2, di sini aku banyak baisi kawan, urangnya baik-baik,pintar-pintar, tapi ada jua pang yang pina sedikit babungulan. Hehhehhe..
    guru-guru di sekolah ku gen baik-baik jua, tapi ada ai pank yang penyangitan banar, engken membari nilai. Gru-guru diwadah ikam pang kaya apa?
    Di sekolah aku kursinya nang kaya orang kuliah tu kam, kada nyaman lalu, ngalih banar menlis kahalusan meja pang. Hehehe..di wadah ikam pang kaya apa krsi nya kaya di wadah aku jua kah..?? aq di sekolah umpat ekskul basket lawan KIR, tapi wahini aku ampih dah basket, jar abah ku jangan lagi umpat basket kena kada tapi belajar lagi, basket aja yang di urusi jar. Jadi aku wahini mpat ekskul KIR aja lagi.
    Sdah gen dulu lah, aku handak belajar na besok ada ulangan b.jepang jadi aku handak belajar dulu supaya nilai ku baik. Kena kita sambung lagi lah basusuratannya, tapi ikam balasi dulu surat ku. Jangan kada di balas…!!!

    Wassalam

    NISA

  17. Banjarmasin,23 Oktober 2008
    Gasan: Risdayanti
    Di : Rumah

    Assalamualaikum wr wb.
    Yan,nang kaya apa habar ikam? Baik haja kalu! Disini kaka baik haja,tau kada Yan,disakulah kaka lalakiannya banyak banar muntung, biniannya aja kalah! Lawan jua Ding ai diwadah kaka bibiniannya tau kada ikam maulah geng-geng kaya ngitulah, sampaikanlah salam kaka lawan abah, uma ikam. Samoga sihat salalu! Awas bila kada mambalas surat kaka,kaka kada handak katamu lagi lawan ikam!

    Wassalam

    Marfuah

  18. Banjarmasin, 23 Oktober 2008
    Gasan : Tina
    Di : Rumah

    Assalamualaikum wr.wb.
    Tina…… kaya apa kabar ikam? Alhamdulillah kabar ku baik-baik haja. Aku dandaman banar lawan ikam. Lawas banar pang sudah kada badapat. Ikam wahini sakulah dimana? Aku sakulah di SMAN 2 Banjarmasin aku kalas X-7,ikam pang? Aku banyak baisian kawan, kawan ku tuh urang nya baik-baik. Tapi kada jua pang buhan biniannya ada yang milih-milih kawan,lawan buhan lakiannya,banyak muntung,tapi ramu jua pang,amun kadada yang banyak muntung, kalas kaya kuburan. Kalas ikam pang kaya apa?
    Sudah dululah, aku uyuh nah manulis, ikam harus mambalas surat ku lah,ku hadangi balasan surat ikam!

    Wassalam

    Mila

  19. Banjarmasin,23 Oktober 2008

    Gasan:
    Mamaku tersayang
    Di –
    Pelaihari

    Assalamualaikum,wr.wb
    Ma,kaya apa habar pyan disana?ulun disini baek-baek haja.Ulun kangen banar lawan pyan ma ae.Ma,ulun senang banar kawa sakulah di SMAN 2 Banjarmasin nang ini.Gurunya ramah-ramah,nyaman banar mangajarnya.Tapi ma ae,di kalas ulun ne abut banar.Kawanan ulun katuju banar bagaya,ma abuti kalas tu pang.Tapi ulun katuju ae di kalas nangini,biarpun rigat wan kada rapi bangkunya,tapi guru-guru pengajar nang di kalas ulun ne nyaman-nyaman.Maginnya guru Matematika,IPA,Bahasa Banjar.Ulun katuju banar wan sidin tu.rasa betah ulun disini,
    Sudah dulu gen ma lah,ulun handak balajar dulu nah,esok ulangan.Salam gasan abah,ading wan sabarataan kaluarga.
    Wassalamualaikum wr.wb

    Salam Sayang

    Nurul Hidayah

  20. Banjarmasin,23 oktober 2008
    Gasan
    Mas Angga
    di
    Solo

    Assalamualaikum Wr.Wb

    Bang, kaya apa kabar pian? Mudahanai baik_baik aja pian sakaluargaan. Ulun baik_baik aja sakaluargaan di Banjar. Pian wahini sakulah dimana? Ulun wahini sakulah di SMA Negeri 2 akhirnya tecapai jua kahandak ulun di sakulah tu. Kalas ulun nang hanyar ni X-7. Urang nya rami banar lawan tumbur_tumburnya tapi pintar_pintar. Pian banyaklah baisian kawan nang hanyar? Ulun banyak banar baisian kawan. Kaka kalas nya jua baik-baik lawan bungas-bungas. Kami gin balajar nya rami banar, guru-guru nya baik-baik pulang lawan banyak kawanan abah ulun jua.
    Sudah dahulu gin lah ulun handak guring, mata ulun mangantuk banar sudah kamalaman pang sudah. Dibalas lah surat ulun ni! Salam gasan kaluarga disana barataan.

    Salam manis

    Noorliana Septikarini

  21. hy semua, aku dari kaltim kelas XII ips,
    kalian bisa buatkan saya puisi tentang hutan ngak??. aku butuh lusa hari kamis. jadi besok aku udah ada ya. plesee……..all

  22. Banjarmasin, 27-10-2008
    Gasan Sahabatku ANIS
    di-
    Gambut

    Nis, kayapa habar ikam wahini, baik-baik haja kalo ?
    habar aku d sini baik-baik haja jua ,
    Nis, kayapa nyaman lah sakulah ikam nang hanyar nih ?
    di sakulah ku rami kam ,bubuhan kakawanan ku rami-rami lawan lucu-lucu bahabis. Banyak nang pina kada waras nya ,tapi sama haja pang nang kaya aku jua toh
    lawas kam aku kada malihat bubuhan kakawanan SMP kita nang dahulu ,kayapa jua kah habar bubuhan nya tu lah imbah kita lulusan lalu ja tapisahan barataan ,kadada tadapat aku nah .
    amun nya ikam ada tadapat lawan bubuhan kakawanan kita SMP d sakulah ikam ,salam akan lah lawan sabarataan nya.
    sakulah aku kam dalam nya luas banar, tapi itu lapangan bula ,lapangan basket,lawan wadah gasan parkir kendaraan nya haja pang .mun kalas nya sama-sama haja pang rata-rata barataan nya.
    Sakulah ikam pang nang kaya apa zua ?

    Uiii Nis ,sudah dahulu lah, aku lapah banar nah manulis .
    Di balas lah surat ku ini ,jangan kada ingat membalas.

    Wassalam

    SANDRA

  23. pa ., knp kada mau lagi
    imbah ulun menulis surat kada mau masuk pa’ae ,
    imbah menulis yang lain mau masuk pa’ae ..
    knp

  24. Banjarmasin, 28 oktober 2008
    Gasan kawanku
    Di Banjar

    Asslamualaikum wr.wb
    Oh kawan ku kaya apa habar kam ?!?, Baik haja kalo ?…
    Ech wahini ikam di SMA 5 kah ?, Ujar kakawanan. ya kalo ?!?
    Kayak apa di sana, Rami jua kah ? , tatamu kakawanan
    nang hanyar-hanyar. Ada jua kah nang bungas lalakiannya ?!?…
    Kalau ada kanal akan pang aku lawan inya !!!…
    Ui… Kalas kam nang hanyar kalas barapa ?, aku kalas
    X-7, nang kayak apa kaadaan kaalas ikam ?, bagus lah ?

    Ech sudah dulu lah…, bingung aku apa yang handak aku pa-
    andir akan lawan kam nah, Ayu jalah salam haja kakawanan
    di sanba lah !!!
    wassallamualaikam wr.wb

    RIZKA

  25. Banjarmasin, 28 Oktober 2008

    Gasan Adi di Plehari

    Assalamu alaikum Wr. Wb.

    Ui, si Adi nang kaya apa habar ikam di sana ? baik – baik haja kalo ? Aku sakaluarga di Banjar baik – baik haja Di ai. Di mana ikam wahini sakulah ? aku wahini sakulah di SMA 2 Banjarmasin Di ai, sakulah ku nang hanyar ni Di ai, pina tangalih pang dari pada SMP dahulu, salawas SMA ni aku haur balajar haja, apa parak tiap hari haur ulangan haja. Sakulahan ikam nang hanyar pang kayapa ? bagus jua kalo sakulahannya ?. ui si Adi tahulah ikam sakulah aku nang hanyar ni langkap banar fasilitasnya, mulai dari kolam iwak sampai laboratorium, nang kayapa Di , canggih kalo sakulahan aku nang hanyar. Di, kawanan ikam di sana pang banyaklah sudah ? kalo aku di banjar banyak banar sudah baisi kawan hanyar, urangnya gin macam – macam modelnya, tapi barataan urangnya baik – baik wan kada sombong Di ai, guru – gurunya gin baikan banar lawan aku.
    Sudah gin dulu Di lah ! aku handak balajar dahulu, aku isuk ulangan umum Di ai ! balasilah surat nang kutulis ni ! jangan kada di balas ! salam gasan bubuhan ikam sakaluargaanlah !

    Assalamu alaikum Wr Wb

  26. Banjarmasin, 23 Oktober 2008

    Gasan Solihin di Plehari,

    Lawas banar kita kada tatamu, kayapa habar ikam wahini? baik-baik ja kalu. Barapa lawas kita kada batamu dah? Ikam wahini sakulah dimana? Kalo aku sekolah di SMA 2. Ikam kelas barapa di sakulah ikam? Kalu aku kalas sapuluh tujuh Kayapa habar sekolah ikam di sana? masih rancak bolos lah? amun sakulahan ku rami banar. Di muka kelas ku ada kolam yang ganal, jadi kalo ada murid yang Ulang Tahun di caburakan ke kolam tuh, wan jua kursinya nang kaya urang kuliahan. Lapangannya luas banar. Di sekolah ku guru-gurunya gin baikan banar, kada tapi mau menyarik. Kakawanan ku baik banar tapi katuju banar bagayaan. kalo di sekolah ikam penyarikan lah guru-gurunya? Den, di sekolah ikam sudahlah mamulai Ujian Tengah Semester? Kalo aku ada, maka soalnya ngalih banar, lawan banyak banar. Ada buhan SMP 2 yang satu sekolah sama ikam kah?
    jar urang di sana kam dapat pacar hanyar kah ?, yang ada nie kawa di cariakan lah ?

    Sudah dulu lah surat dari ku, balas lah surat dari ku. jangan kada ingat. Dari kawan ikam Jayadi

  27. Banjarmasin,28 Oktober 2008
    Gasan Sahabatku Eric
    di Banjarmasin

    Assalamualaikum wr.wb
    Ue Ric kyapa wahini kabar ikam,mun aku wahini Ric ae baik-baik haja.Di sakulahan ikam pank kyapa rami haja lah.Mun di wadah aku raja rami,pas dikelas tu nah rami banar,mun disuruh guru manggawi soal kamuka barabutan kam bagiannya handak maju,habis tuh gurunya kawa digayai pulang Ric ae.Tapi ada jua pang guru yang pinda panyangitan lawan mun mambari nilai tuh engken.Wadah ikam pank ada jua kah guru yang kaya nangitu.
    ue Ric wadah ikam,ikam umpat ekskul ap,mun aku umpat main futsal,kedada pang ekskul balapan wadah ku nih ric ae,jakanya ada umpat tu pang nda Ric ae.
    Ue ric kyapa buhan kita yang di SMP dahulu ada jua kah yang sasakulahan lawan ikam,Mun di wadah aku ada Ric ae banyak lalu bagiannya disini.Biniannya pang kyapa wadah ikam bungas bungas kah,kawa kah nah kawal cariakan saikung,kawal lagi kadada bisi pacar nah.Ric wadah ikam wahini musim ulangan tengah semester lah,mun wadah ku ulangan tarus.Saban hari bilang ulangan kam wadah aku nih,maka bilang baracap kam ulangannya sahari 2 pak.
    hehehe.Ue urangnya sudah gen dahulu lah surat ku nih,aku handak haur nah handak main bula lawan kakawanan.
    Heeh lah diingati ja mambalasi suratku nih.

    Wassalamualaikum wr.wb

    dari sahabatmu…..

    Tangguh

  28. Banjarmasin, 23 Oktober 2006

    Gasan kaka Feby di Bandung

    Assalamu’alaikum Wr.Wb.
    Kaka Feby, kaya apa habar pian disana? Sehat – sehat aja kalo? Ulun alhamdulillah sehat – sehat ja.
    Lawasnya pian kada be elang ke banjar sini. Kuliah pian pang kaya apa? Wayah ini ulun sekolah di Sma 2 ka ae. Sekolahannya luas banar, mana ada kolam iwak di muka kelas ulun. Murid – murid nya gin baik – baik, apalagi kaka kelas nya. Guru – gurunya gin baikan, pelajaran yang ulun kada paham rancak di bantui oleh guru ulun ka ae. Dosen pian di sana pang kaya apa? Rami banar ulun sekolah di sini.
    Sudah dulu gin ka lah. Ulun handak manggawi tugas gasan sekolah isuk. Lamunnya pian kada haur sampatakan balas surat ni lah.

    Ading pian Ryan

  29. Banjarmasin,10 Juni 2007

    Gasan sahabat ku Rizki Di KotaBaru

    Assalamu’alaikum Wr.Wb.
    Rizki, kaya apa kabar ikam di KotaBaru ? Kalu kabar aku baik-baik haja . Masih rami ja loe di sana ?Di sini ki ae rami banar,rugi pang kam kalu kada kasini.Ikam wahini sakulah dimana ?Kalu aku sakulah di SMA Negri 2 Banjarmasin pang.Rami banar disini,maka orang nya kada sombong-sombong pulang,pokok nya rami pang disini.Jaka nya kam pindah haja kesini.Disini kam banyak banar bebiniannya maka bebiniannya bungas-bungas pulang.
    Riski,rumah ikam masih haja kalu disitu?Kam jangan pindah-pindah lah dari situ,kena ngalih aku karumah ikam.InsyaAllah ki ae aku bulan kena handak ke kota baru mendatangi ikam,soal nya aku kangen banar wan ikam.Ki sampai disini dulu lah surat aku,soalnya aku uyuh banar dah mengetik surat nanginih.

    Sahabat ikam Rizal

  30. Banjarmasin, 23 Oktober 2008
    Gasan sahabatku kiki di bali (batu licin)
    Assalamualaikum wr.wb
    hidup ja lo kam neh masih…………..
    ki, kayapa habar ikam disana ? baik haja kalu ? mudahan ikam sakaluarga baik – baik haja. amien
    ki, ikam disana masuk SMA mana ? aku disin masuk SMA 2 ki ai. Sakulahannya barasih, urangnya baik – baik haja sabarataan. Sakulahannya ada kolamnya pulang.
    Tanamannya bagus- bagus ha pulang ikam. Aku katuju banar sakulah di SMA 2. Aku masuk kelas X7 ki ai, asli rami- rami urangnya. Kawa di bawai bakakawanan ikam. Amun belajaran di kelas aku tu kam kompak sabarataan urangnya. Rami tu pang masuk SMA 2 ni.
    Sudah dulu gen lah surat aku ni, rasa handak tepacul tangan aku ni manulis. Mohon ae lah surat aku ni dibalas amun ikam ada waktu.
    Wassalamualaikum wr.wb

    D@ri kawan qam f1qr1

  31. Banjarmasin, 26 Oktober 2008

    Gasan sahabatku Hasan di Barabai

    Assalamualaikum wr.wb
    Ui boss, kayapa habar ? masihkah cangkal kaya bahari, masuk sakulah mana ikam di Barabai situ ? kalu akau masuk SMA Negri Dua.
    Sakulahku mantap banar ikam, di muka kalas ku ada kulamnya, kaya Galanggang lagi ganalnya. sakulahku rami banar ikam, urangnya baik hati barataan, apalagi guru – gurunya. aku lagi Ulangan Tangah Samistir nah. sualnya ngalih – ngalih kam tapi alhamdulillah kawa aku manjawab.
    Di kalasku urangnya ramai – rami jua, kami nang kaya badingsanakan disini. tapi kam, kalasku marigat, atapnya gin rabit -rabit, urangnya pangulir barataan tamasuk aku.
    sudah gin lah, kada tahu lagi nah nulis apa, balas suratku lah. jangan kada.
    Wassalamualaikum wr.wb

    dari sahabat ikam,

    Royyan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s