Kelas X 8

Silakan masukkan tugas Anda dalam kolom yang disediakan. Jangan lupa menuliskan e-mail Anda!

Iklan

32 comments

  1. Banjarmasin,23-10-2008
    Gasan kawanku jannah
    di jl.Tembus prumnas (kayu tangi)

    Assalamualaikum.wr. wb.

    Uuyy, Jan aku Mutia kaya pa habar ikam baik-baik ja kalu? kalu aku alhamdulillah baik ja pang? Ikam sakulah dimana Jan? kalu aku sakulah di SMAN 2 Banjarmasin. Aku disana rami banar kam sakulah disitu karena banyak kawan,maka pula guru-gurunya baik banar,kakanya gin baik jua pokoknya kada manyasal pang sakulah disana.
    Aku duduknya di klas X8,dimuka kalas ada kolam nang ganal dan banyak bunga-bunga dihiga kolam itu kalu aku melihat kaluar sangat
    bagus sakali.
    Sakian dulu carita dan pangalaman ini kena disambung lagi.
    Aku banyak-banyak minta maaflah kalu ada salah wan ikam.

    Wassalam.Wr.Wb. .

  2. Banjarmasin 23 Oktober 2008

    Gasan Lili
    Di Bandung

    Assalamualaikum wr.wb

    Lili,kaya apa habar ikam ?Baik-baik haja kalu ?Alhamdulilah aku sakaluargaan sihat-sihat haja.Li,aku kawa jua masuk SMA 2,padahal aku gugup banar kalu kada kawa masuk,NEM nya tinggi-tinggi berataan pang soalnya NEM ku 32,57 haja he…he…he…

    Waktu MOS aku masuk X-1 imbah itu pas babagi kelas aku masuk X-8 .Kelasku ni abut banar,nakal-nakal pulang urangnya,padahal andakannya di higa ruang guru.Biar nakal tapi wajar ja nakalnya ,maka kadada nang engkennya,pokoknya rami tu pang.

    Sudahlah gin lah aku handak guring nah.Kena ja lagi aku kisahakan pangalaman aku nang lain.Mudah-mudahan ikam sihat salalu.
    Wassalam

    (Muhammad Fachri)

  3. Banjarmasin , 22 oktober 2008

    Gasan kawanku
    Imar
    Di Banjarmasin

    Assalamualaikum.wr.wb

    Nang kiapa kabar ikam wayah ini ? Mudah-mudahan baik-baik haja . Aku gin disana baik-baik jua .
    Ikam masuk apa imbah lulus smp ? kalo aku masuk SMA 2 di mulawarman . Sekolahnya gonol kam , tapi sayang kelas ku paling belakang buruk pulang . Aku di kelas x-8 kelasnya model lawas , bocor , lelongkangnya hilang sebuting , hancur tu pang ! kelas kam pang kiapa ? tabaikkah atawa teburuk pada kalasku .
    Sudah dululah . Aku uyuh manulis . Balasi lah . Awas kam kada mambalasi .

    Wassalam , Salam sayang

    NURHIKMAH

  4. Banjarmasin 23 Oktober 2008

    Gasan Lili
    Di Bandung

    Assalamualaikum wr.wb

    Lili,kaya apa habar ikam ?Baik-baik haja kalu ?Alhamdulilah aku sakaluargaan sihat-sihat haja.Li,aku kawa jua masuk SMA 2,padahal aku gugup banar kalu kada kawa masuk,NEM nya tinggi-tinggi berataan pang soalnya NEM ku 32,57 haja he…he…he…

    Waktu MOS aku masuk X-1 imbah itu pas babagi kelas aku masuk X-8 .Kelasku ni abut banar,nakal-nakal pulang urangnya,padahal andakannya di higa ruang guru.Biar nakal tapi wajar ja nakalnya ,maka kadada nang engkennya,pokoknya rami tu pang.

    Sudahlah gin lah aku handak guring nah.Kena ja lagi aku kisahakan pangalaman aku nang lain.Mudah-mudahan ikam sihat salalu.
    Wassalam

    (Muhammad Fachri)

  5. Banjarmasin 23 Oktober 2008

    Gasan Lili
    Di Bandung

    Assalamualaikum wr.wb

    Lili,kaya apa habar ikam ?Baik-baik haja kalu ?Alhamdulilah aku sakaluargaan sihat-sihat haja.Li,aku kawa jua masuk SMA 2,padahal aku gugup banar kalu kada kawa masuk,NEM nya tinggi-tinggi berataan pang soalnya NEM ku 32,57 haja he…he…he…

    Waktu MOS aku masuk X-1 imbah itu pas babagi kelas aku masuk X-8 .Kelasku ni abut banar,nakal-nakal pulang urangnya,padahal andakannya di higa ruang guru.Biar nakal tapi wajar ja nakalnya ,maka kadada nang engkennya,pokoknya rami tu pang.

    Sudahlah gin lah aku handak guring nah.Kena ja lagi aku kisahakan pangalaman aku nang lain.Mudah-mudahan ikam sihat salalu.
    Wassalam

    (Muhammad Fachri)

  6. Banjarmasin, 23 oktober 2008
    Gasan kawan nda (abdi)
    di
    Ujung Dunia

    Assalammualaikum Wr. Wb.
    Abdi , , kaya apa kabar ikam? Koyo banar lah wahini wan kawan! Kam sakulah dmana di? Kalo nda sakulah di SMA 2 Banjarmasin. Rame lalu disini, maginnya kelas nda! Asle ngeri-ngeri orangnya. Ada yang bore muntung, ada jua yang ganal lalu muntungnya. Kelas nda nih biar ancur tapi asiiik… kelas ikam pang kaya apa di? Hancur jua kah?
    Eh kawan nda, di depan kelas nda nih ada Water Boom! Kaya apa tuh? Ada iwaknya ha pulang! Guru-guru disini kada tapi rame di ae, tapi ada jua pang rame dikit. Eh di, kaya apa kelas ikam disana? Balas surat nda gen.. Awas kam mun kada balas!!
    Hehehe….
    Wassalam….

    Kawan kam,,
    M. Akhyar Ridho Lubis

  7. Banjarmasin, 23 Oktober 2008

    Gasan Rio
    Di Jakarta

    Assalamualaikum Wr.Wb

    Rio, apa habar ikam di sana? Baik-baik haja kalo? Mudah-mudahan ikam baik-baik haja. Kaya apa sakulah ikam nang hanyar disana? Bagus haja lah? Amun unda masuk ka SMA 2 Banjarmasin. Bagus banar mukanya tapi sakalinya, harau hancur banar dibelakangnya.
    Ada kolam iwaknya tapi rigat banyunya banyak sampahnya, kalas-kalasnya bilang kayu sabarataan. Unda dapat kalas paling buncu, parak gudang, atapnya bucur pulang.Ikam pang bagus haja lah sakulahannya? Nyata bagus pang, sakulah di Jakarta mana ada nang sakulah nang buruk. Kawanan disana pang, kaya apa disana? Koyo-koyo lah? Bah, mun ikam disini bisa rusak tu pang ikam. Ngeri banar kakawanan di SMA 2 nih. Kadada nang warasnya. Apalagi mun nang didalam kalas unda, ngeri banar. Katua kalasnya haja gokil, pa lagi anak buahnya. Pabila ikam ka Banjar? Mun ka Banjar bapadah lah nyaman unda kenal akan lawan kawanan unda nang hanyar nih.
    Sampai sini ai dahulu suratnya, kaina dibalaslah (mun ada waktu). Salam gasan abah lawan mama ikam, mudahan sehat tarus.

    Wassalam….

    Sahabat ikam…
    Eldion Akbar Rinaldi

  8. Banjarmasin 23-10-2008
    Gasan
    YTH ARIEF
    Di
    Banjarmasin

    Assalamualaikum wr. wb

    Rif, kya pa ikam wayah ni , dimana ikam sakulah . disini kam rami banar .banyak kakawanan nang hanyar , wayah tupulang banyak jua babinian nang bungas-
    bungas , disana pang banyak dapat kakawanan hanyar lah < kanapa garang ikam kada sakulah disini rugi banar kam .
    sakulah disinilah ada nang nyaman dan kadanya . kelasku inilah bila hujan atapnya babucuran kam mana kursinya kaya anak kuliahan uyuh banar maandak buku ,
    apa lagi bila handak batirunan ngalih banar . guru – guru disinilah tagantung ikam nya
    bila ikam baik maka gurunya baik bila ikam bakalakuan buruk maka guunya jadi pamarah .
    eh, kaina balasilah suratku ni sudah dahulah suratku ni , jangan kada kada ingat untuk mambalas

    wasalammualaikum wr.wb.

    kawan lawas ikam
    kausar

  9. Banjarmasin , 27 Oktober 2008

    Gasan kawanku Eno
    Di – Magelang

    Assalamualaikum Wr. Wb.
    No . Kayapa kabar ikam wahini ? aih jua kah amak kaya dulu ? hehe . .
    Ikam sakulah dimana wahini ? Mun aku wahini di SMADA ..
    Sakulahnya buruk kaya di laskar pelangi tuh pang .. Hahaha
    Amun hujan kelasku X – 8 tuh tampias ! Mana bangkuku tuh pas di bawah lubangnya ..
    bah mauk lalu ..

    Mana kelasku tuh abut banar .. Biar kelas di higa kantor guru gin tatap ja abut .. Di tagur guru kada maasi .. Semalam ja di hukum kaya militer pas upacara .. Bah mambari supan lalu ..
    Tapi biar kaya itu buhan kelasku tuh pintar – pintar ..
    Kelas ikam pang kaya apa no ? Insyaallah kada kaya kelasku .. hehe

    Di muka kelasku tuh ada kolam iwak ganaaal banar ..
    tapi pang rigatnya masyaallah !!
    Samalam tuh ada kajadian Iyan nang rancak manjaga sakulahku tacabur ka kolam tuh ..
    sasakulahan bilang lucut tatawaan ..

    No..
    sudah gun ah uyuh aku manulis ..
    ikam nyaman tinggal mambaca ja..
    salam gasan kaluarga ikam ..

    Wassalam

    Kawan ikam
    Aisya Bella O .A .P . C

  10. Kamis,23 oktober 2008

    gasan kawan lawasku Rizal (Ncoy) di tanjung

    Assalamualaikm wr.wb

    uY kawan seperjuanganku !! ini aku jimmy,ingat ai kalo masih ? kayapa kabar ikam wayah ini ?? kabarku baik haja,lawas banar nah aku kada tatamu ikam,masuk SMA mana ikam ? Ada jua kah yang nyangkut babinian di sekolah kam wayah ini ? Aku masuk SMA 2,sorangan ja ku kam di sini,kadada kawan ku kam disini,tapi wayah ini banyak dah kekawalan soalnya ku katuju begayaan lo makanya banyak kawan ku….
    Eh,buhannya masuk mana ? Lawas banar ku kada tatumu buhannya,kayapa lah buhannya wayah ini ?
    Ncoy,kam umpat ekskul apa di sekolah kam ? Aku umpat ekskul basket boy ae …. tapi ampih dah,HeE ….. Eh,di SMA 2 ni kam banyak banar babinian bungas2 kada kayak smp kita dulu kawa dihitungi babinian bungasnya.
    Ae,dangar2 situ naik pangkat LaA …. sombong banar dijalan tatamu pas malam minggu ku menagur ikam kada tatahu muha,lawan babinian pang …. HuHuU ….
    Ncoy,sudah gin dulu nah tangan ku panat,ikam nyaman tinggal membaca haja,salam haja lawan babuhannya lah munnya tatamu.
    Wassalammualaikum Wr.Wb

  11. Kamis,23 oktober 2008

    gasan kawan lawasku Rizal (Ncoy) di tanjung

    Assalamualaikm wr.wb

    uY kawan seperjuanganku !! ini aku jimmy,ingat ai kalo masih ? kayapa kabar ikam wayah ini ?? kabarku baik haja,lawas banar nah aku kada tatamu ikam,masuk SMA mana ikam ? Ada jua kah yang nyangkut babinian di sekolah kam wayah ini ? Aku masuk SMA 2,sorangan ja ku kam di sini,kadada kawan ku kam disini,tapi wayah ini banyak dah kekawalan soalnya ku katuju begayaan lo makanya banyak kawan ku….
    Eh,buhannya masuk mana ? Lawas banar ku kada tatumu buhannya,kayapa lah buhannya wayah ini ?
    Ncoy,kam umpat ekskul apa di sekolah kam ? Aku umpat ekskul basket boy ae …. tapi ampih dah,HeE ….. Eh,di SMA 2 ni kam banyak banar babinian bungas2 kada kayak smp kita dulu kawa dihitungi babinian bungasnya.
    Ae,dangar2 situ naik pangkat LaA …. sombong banar dijalan tatamu pas malam minggu ku menagur ikam kada tatahu muha,lawan babinian pang …. HuHuU ….
    Ncoy,sudah gin dulu nah tangan ku panat,ikam nyaman tinggal membaca haja,salam haja lawan babuhannya lah munnya tatamu.
    Wassalammualaikum Wr.Wb

  12. Banjarmasin 23 oktober 2008

    Gasan Suci sahabatku di Banjarmasin

    Assalaualaikum wr.wb

    Sucii..kayapa ne wahini habar?Baikan aja kalo?Dimana jua wahini kam sikulah?Aku wahini sikulah di SMAN 2 nah.Disini rami banar.Aku sudah banyak nah bisi kawan.Kam pang banyak lah udah bisi kawan?Ikam tau lah ku di sini dapat kawan yang koyo.Muar banar tu pang ku lawan inya tuh.Tapi kada papa sualnya ku lebih banyak bisi kawanan yang rami.hehe..
    Aku kangen banar nah lawan di SMP.Kam pang kangen jua lah lawan di SMP?Di SMAN 2 neh ku masuk kelas X8.Kelas X8 neh andakan kelasnya yang tekeujung jadi bangunannya masih yang dahulu alias balum barehap.Di muka kelas ku neh ada kolam ganal banar.Nyaman banar tu pang mata malihat rasa sigar mata.
    Udah dulu gen lah.Ku udah uyuh banar nah.Jangan kada ingat lah di balas!

    Wassalam

    Sahabat ikam
    Mujaiyinah

  13. Banjarmasin,27-oktober-2008

    Gasan Putri sahabatku
    di Banjar.

    Assalammualaikum wr.wb

    Putri, kayapa habar ikam wayah ini? Baik-baik aja kalo? Ikam wahni dimana sakulah? Aku wahni sakulah di SMA Negeri 2 banjarmasin. Ikam tahu lah, sakulahan ku wayah ini ganal banar. Kayapa lawan sakulah ikam? Aku di SMADA ni banyak banar dapat kawan, kawannya baik-baik pulang. Tapi tatap ai aku kangen banar lawan kawanan buhan SMP .

    Di SMADA ni aku masuk kelas X-8. Kelasnya saban hari abut banar, tapi rami pang. Kelas X-8 ni andakannya takaujung banar maka kadap pulang. Dimuka kelasku ni ada kolam ganal banar, disamping-samping kolam tu ada taman. Saban istirahat kami dudukan dimuka kelas. Nah, kena ginlah disambung lagi! Jangan kada ingat, dibalas lah!!!!

    Wassalam, sahabat ikam

    SHINTA PUTRI FIDAYANTI

  14. Banjarmasin,23-10-2008

    Gasan: Erfani di sultan adam

    Assalamualaikum.wr.wb

    Uy,,,apa kabar nih? lawas kada batamu lah, dandaman ku lawan ikam. salawas ku lulus nih kayapa ikam di smp tuh? masih jadi osis kah? aku handak bakisah nah,aku sakulah di SMA 2. Sakulah ku nih ganal banar, bilang 4 kali lipat sakulahan smp kita tuh, sakiing ganal nyauyuh banar ku bajalan di sakulahan tuh.
    amun ikam lulus tahun ini, ikam handak masuk mana?
    masuk SMA2 ja gin la, di sini rami banar, kaka kelas nya baik-baik, tapi ada jua pang nang pina harat. tapi kada rugi kam amun masuk SMA2 nih, sakulahan nya bagus, urang-urang nya bungas-bungas,sugih-sugih pulang.kelas 1 nya belain di belakang sorangan,ada kolam nya di tangah,ganal banar,kawa gasan bakunyung,,,
    kakawanan ikam baik-baik lah di kelas 3 nih?
    amun di kelas ku nih kawananku baik-baik,tapi banyak muntung, rami pang kawanan ku tuh, lucu-lucu, apalagi nang lakian nya pina manggila,kada waras.
    aku di SMA2 nih umpat umpat kagiatan PMR,
    ikam pang damini umpat kagiatan apa di sakulahan?
    masih basket kah?
    kisah akan jua lah tantang ikam di sakulahan ikam tuh,
    ku tunggu balasan surat dari ikam,,,
    sudah gin lah,,,ku uyuh manulis nah,,
    panjang banar,,,,

    wassalam
    kwan ikam

  15. Banjarmasin, 23 Oktober 2008

    Gasan sahabatku Mira
    di Balikpapan

    Assalamualaikum Wr. Wb

    Mira kaya apa habar ikam ? Sehat aja kalo ? Aku gin sehat – sehat ja jua. Mir, ikam masuk SMA mana ? Kalau aku masuk SMAN 2 Bjm. Sekolahan aku nih ganal banar, luas pulang. Lain lawan di SMP bahari.
    Aku masuk kelas X-8, urangnya rami banar, lucu-lucu, naka-nakal pulang. Kelas aku nih rancak banar di tagur guru. Ada nang pembolos lah, katuju menyambati guru lah. Semalam tuh pang ada nang ulang tahun kalo, jadi betawakan hintalu buhannya. Sangit banar wali kelas kami.
    Kelas ikam pang rami lah ? ganal lah sekolahannya ? Surat aku nih di balas lah kena. Semoga ikam sehat selalu.

    Wassalam

    Kawan ikam,

    Dessy Sharfina

  16. Banjarmasin,23-10-2008

    Gasan Erma di Pemurus

    Assalamualaikum wr.wb

    Woi , kawan kaya apa tadih habarnya ? baik-baik haja kalu ?mun aku alhamdulillah baik haja pang.Ikam sakulah dimana?aku sakulah diSMA2.Sakulahku halamannya ganal banar,bisa 3 kali lipat sakulahan SMP kita.Aku gin banyak banar baisi kawan disini.kakawananku baik-baik tapi pang bore-bore.
    Siapa aja tadih yang sakulah diwadah ikam kakawanan SMP kita?mun disakulahku dikit haja paling pang 7 haja.Guru-guru diwdah iamkaya apa ? mun diwadahku gurunya baik-baik.Nyaman pulang dibawa bapandir wan batakun.kakak kelas wadahku gin baik-baik tapi ada jua nang pena cakah.
    Eh,ikam pang ada umpat kagiatanlah disakulah? Mun aku umpat PASKIBRA wn POTOGRAFY.Rami banar kam umpat kagiatan kaya ini nih .
    Tau lah kam?dikelas ku tuh urangnya kadada yang warasnya,ada yang pena gagilaan , ada nang bore , campur aduk tu pang.maka kelas kami tu paling ujung pulang tambahnya ae ribut.
    Eh, sudah dulu ginlah.Uyuh banar nah aku sudah manulis.Jangan kada ingat lah balas surat hagan aku.

    Wassalam.

    Kawan ikam.

    Sri Yuniarti Pratiwi

  17. Banjarmasin,27 Oktober 2008

    Gasan kawal ku Rinto
    Di Samarinda

    Oey..
    Apa habar ikam disana..??
    Kalau aku baik-baik haja.
    Masih ingat jua kah lawan kawan ikam nang ini,,
    Ingat lah lawan aku,,,???
    Aku Sevti,,kawan akrab ikam behari..
    Ingat lah ikam behari kita main ajakan tukup..imbah itu aku tajarungkup..
    Uma batis aku bangkak,,
    Eh,dimana ikam sakulah,,?
    Sudah kalas barapa skrg..??
    Kalau aku sakulah di SMAN 2 BJM,,,uma sakulahan nya tarkanal banar tahu lah .ngaran nya haja gen sakulah mudil..babuhan bungas-bungas lawan sugih-sugih,tapi ada haja pang yang urang nya kda sugih..atau biasa-biasa haja..
    Pkoknya TOP banar tu pang sakulahan aku,,,
    Apalagi aku menetap di kelas X-8 nang pina siwah-siwah urang nya..uma kada kagaduhan guru lawan kelas kami,,apa urang nya nakal-nakal..banyak muntung lelakian nya makanya kelas kami ni di sambat paguruan kelas banyak muntung…
    Di muka kelas aku ada waterboom kam,, uma rami tue pang,kawa bamandian di muka kelas aku,,
    Cuba ikam sakali-kali masuk ka sakulah aku,, ada waterboom nya…
    Aduh ae Rin,,uyuh sudah tangan aku mangatik nah..wahini zaman intirnit,,kadada lagi nyaman manulis pakai tangan..
    Ikam jangan gaptek Rin lah,,
    Ayuha,, sampai dsni haja surat aku ini..
    Titip salam gasan kuitan ikam lah…
    Jangan kada di balas…
    Oke cui…`

    Dari

    Septiana

  18. Banjarmasin,23 Oktober 2008

    Gasan:
    Sahabatku Sari
    Di-
    Banjarmasin

    Assallamu Allaikum Wr.Wb

    Hai Sari….! Kayapa habar ikam? Baik haja lo? Amunnya habar ku baik haja nah.Wahini sombong banar lah wan ku..sms ku haja
    Kada tapi dibalas,haur banar kah wahini.
    Wahini ikam sakulah dimana? Amun aku sakulah di SMA 2.
    Disini banyak banar nah,bubuhan SMP 1..
    Di SMA 2 banyak banar jua ekskulnya.Aku umpat RESMA
    (Remaja Islam Smada) nah..Di SMA 2 nih aku kelas X-8
    Di kelasku urangnya abut banar lawan jua bore..aku haja sampai
    Pusing manghadapi keborean bubuhannya tu.,,Lawan jua banyak banar PR wan tugas-tugas tuh pang..
    Dikelasku tuh bangunan bahari,maka bocor….beda tuh pang wan kelas kita
    Di SMP dahulu..Di sakulah ikam pang kayapa?? Rame haja lah?
    Tapi,biarpun nang kaya itu kelas ku rame haja pang dan jua bubuhannya
    Baik haja wan aku.Tapi,,aku sedih jua pang soalnya kita tapisah..maka
    Lawas banar pulang kita kada tatamu.Aku kangen wan ikam….
    Ikam adalah tatamu wan kakawanan kita yang lain?? Aku lawas kada tatamu bubuhan yang lain..Kapan-kapan kita Reunian lah!!

    Sudahlah sampai disini haja surat dari ku..Jangan kada ingat lah balasannya..
    Kuhadangi surat dari ikam !!!…

    Wassallamu Allaikum Wr.Wb

    Dari Sahabat ikam :
    Retno Septiana Ananda

  19. Banjarmasin,27 Oktober 2008

    Gasan kawanku Satya
    Di-
    Banjarmasin

    Assallamu Allaikum Wr.Wb

    ui…..kaya apa habar wayah ini?lawas banar kita kada betamuan nah,mantang-mantang masuk SMA1 koyo banar,pas ikam tetamu wan aku ikam kedada menagur.Jaka ikam masuk SMA2 ja,rami banar disini,sudah urangnya bungas-bungas banyak banar pulang calon artis,kolam renang ada di sini ganal banar kalah di gelanggang dari pada di SMA1 urangnya culun-culun paling gin ikam pembungulnya di sana.
    Disana ikam banyaklah dapat kawan?aku di SMA2 banyak banar dapat kawan biniannya disini bungas-bungas.Pabila kita bekumpulan lawan kawanan SMP kita?gigi masih panjang kah he…he…he… Dah gin dulu lah,kalo kam kada kawa membaca surat ku bearti kam buta…….
    Di balas surat ni jangan kada di balas!!!

    Wassallamu Allaikum Wr.Wb

    Dari kawan ikam

    M.Adhitya Pratama

  20. Banjarmasin,23 Oktober 2008
    Gasan Sahabatku Nadia

    Assalammualikum Wr.Wb
    Nad,kaya apa kabar ikam sakarang ?? Baik-baik haja loe ?? Kalau kabar aku baik-baik haja. Sakarang ikam sakulah dimana ?? Kalau aku sakulah di SMAN 2. Nad,di SMAN 2 banyak banar bagian anak SMPN 1,rasa sakulah ampun sorang, banyak kekawanan lawas zua. Pertama masuk tuch kam,aku kada tahu kalau kelas 10,dibelakang. Pas aku liati loe,umai kelasnya bangunan bahari,maka ditengah-tengahnya ada kolam pulang,kawa bakunyungan.Pas dibagi kelas,sakalinya aku masuk kelas X-8.Ikam,tahu lach keadaan kelas ku kaya apa ?? Pas hari panas kada papa,sakalinya pas hari hujan,bocor kelasnya.Kaya film laskar pelangi.Jauh banar,tahu lach kam lawan kelas kita waktu SMP.
    Sudah kelasnya kaya laskar pelangi,maka kekawanan ku bore-bore pulang.Tapi biar bore-bore kelas ku paling rami.Ketua kelasnya za lewer,kawan kita waktu SMP.Aku kangen kam lawan kekawanan kita SMP,wan guru-guru SMP gen aku kangen zua.Kapan yoe kita reunian ??
    Nad,sudah dulu gen,aku uyuh bekisah,kena kita ketemuan z gen !!!
    Awas kam kalau kada membalas suratku !!!
    Wassalammualaikum Wr.Wb
    Dari Sahabatmu
    Yuli

  21. Banjarmasin,23 Oktober 2008
    Assalammualikum Wr.Wb
    Gasan sahabatku Febri
    Feb,kaya apa kabar ikam wahini ?? baik-baik aja lo ?? kalau kabr ku baik-baik aja pang !!
    lawas kita kada badapat,sakulah di SMA mana wahini ikam ?? kalu aku sakulah di SMAN 2 Banjarmasin,sakulah yang bagus tuh,di mulawarman.Di SMAN 2,banyak banar kawan SMP kita masuk sini.Disekolah ikam pang ?? Aku dapat kelas paling ujung,kelas X-8.Kelasnya bangunan bahari. Bocor pulang kelasnya.Mbah itu.orangnya bore-bore pulang.Rancak disangiti guru.Tapi sakulah ku henat.ditengah-tengah ada kolam.Dikelilingi wan tanaman.Sudah gin lah,aku uyuh,padahal banyak lagi yang handak ku ceritakan.Tapi pas kita ketemu haja gen ceritanya.Balas lah suratku,awas kada balas !!!
    Wassalmmualaikum Wr.Wb
    Dari Sahabtmu
    Sinta

  22. Banjarmasin, 23 Oktober 2008
    Gasan
    Kawan Lawasku, Didit
    Ditampat

    Assalamualaikum Wr.Wb

    Didit, kaya apa kabar ikam wahini? Pina kada tadangar lagi kisahnya? Dit, wahini ikam sakulah di SMA mana? Amun unda, wahini sakulah di SMA Negeri 2 Banjarmasin

    Kada pang unda sombong lah! Disini sakulahannya bagus banar, fasilitasnya langkap banar! Dimuka kalas unda haja ada kolam nang ganal, nang kaya “Waater Bom” ngituh. Kawanan unda disini gin baik-baik urangnya.

    Sakulah ikam pang Dit, kaya apa? Bagus lah? Sudah dulu lah surat unda nih! Tintah pulpen unda handak habis nih! Jangan kada ingat mambalas surat unda nih lah!

    Wassalamualaikum Wr.Wb
    Kawan lawas ikam

    Heri Setiawan

  23. Banjarmasin, 23 Oktober 2008

    Gasan, Rama

    Assalamualaikum Wr.Wb

    U’urangnya kaya apa kabar ikam wahini? Lawas lah kita kada batamu, kaya apa nih kabar ikam. Kalo aku, kabarnya baik-bhaik haja.

    Eh wahini ikam sakulah dimana, kalo aku wahini sakulah di SMAN 2 Mulawarman. Uma kam, aku disakulahan SMAN 2 nih, untung banar aku kawa masuk SMAN 2. Untung-untungan tu pang aku masuk SMAN 2 nginih, psa galumbang ka 2. Untung banar aku kawa masuk. Maka rami banar kam, disini sakulahannya. Banyak banar kam urang nang handak masuk SMAN 2 nginih, rasanya harat banar tu pang kawa masuk ka sini.

    Disakulahan ngini jua aku bauntung banar kawa baisi kakawanan nang baik-baik, lawan jua lucu-lucu. Kalo bagayaan lucu-lucu tu pang, tapi sapalihnya lengo-lengo, maka pas balajaran sampat haja bagaya.

    Sampai-sampai kalas aku tuh, dipandir-pandir akan lawan guru-guru. Disambat kalas ribut, tapi biar kaya ituh kawan-kawan dikalas aku tuh, kaya itu pang. Tapi pintar-pintar kalo balajar lawan manjawab soal dari guru.

    U’urangnya dah gin lah, tintah pulpen aku handak habis, lawan jua aku uyuh banar manulis lawan bakisah lawan ikam. U’urangnya salam akan lah gasan kaluarga ikam! Apalagi jangan sampai kada ingat salamakan jua gasan ading ikam nang langkar banar tuh lah! U’urangnya jangan kada dibalas surat nginih lah, kisah akan jua kaya apa ikam sakulah disana! Aku hadangi lah balasannya!

    Wassalamualaikum Wr.Wb
    Hormat aku

    Imansyah Ramadhani

  24. BANJARMASIN,23 OKTOBER 2008
    Gasan sahabatku
    WENDY ARMOKO
    DI-TAPIN

    ASSALAMUALAIKUM.WR.WB

    Uyy..kaya apa habar ikam wen,kanapa pina jarang banar mahabari aku,ikam masuk sakulahan mana nih??aku masuk smada,sma negeri 2 banjarmasin..uma ngeri-ngeri banar ikam kakawalan ku wayahini,ikam tahu lah,aku masuk dikalas nang paling ujung pulang,kaya kita smp bahari jua.tapatnya dikalas X-8.han paling ujung kalu.,tapi pang kakawalan ku baik-baik,bungas-bungas ha pulang.

    Ikam tahu lah,aku umpat extrakulikeler PASKIBRA,pas tanggal 17 agustus kamarian,aku jadi pambawa baki disakulahan ku,, rugi tu pang ikam kada malihat aku,kaya apa sakulahan ikam nang hanyar,nyaman jua kh sakulahannya???masih nyamanan sakulahan ku bisa lah??

    Sakulah ku wayahini langkap banar tu pang fasilitasnya,ada ruangan computer,lab.ipa,perpustakaan,warungnya 10biji,langkaptu pang,lapangannya ganal banar,luas tu pang,maka ada kolam iwaknya 2 butingan.

    Sudah dulu gen lah,aku uyuh nah manulis surat gasan ikam.amun ikam baisi waktu,balas pang suratku ini,aku gen handak jua tahu habar,wan carita ikam di sakulahan nang hanyar,salam lah gasan kaluarga ikam sabarataan,

    SALAM DARI AKU

    FIFI AFRIDA

  25. Banjarmasin, 23 Oktober 2008
    Gasan kawanku Febri
    di Meratus

    Assalamu’alaikum Wr. Wb.
    Hai Febri, kaya apa kabar ikam sakarang? Aku baik-baik haja nah. Aku balum tahu dimana ikam sakulah sakarang? Kalau aku basakulah di SMA 2, sakulah yang rami banar. Mana gurunya panaguran wan nyaman manjalasakan. Aku kana di kalas X-8, ikam pang kalas barapa? Kalasku tu uma ai paling abutnya diantara kalas nang lain. Urangnya gin bore bore bahabis. Katuanya mauluakan banar wan anggotanya.

    Sudah dulu gin lah aku uyuh manulis, mana panjang banar. Ikam nyaman mambacai haja. Aku pang mambuat kisanya tapalilit, jangan lupa dibalas lah….

    SALAM DARIKU

    EKA YUNI KRISTIANI

  26. Banjarmasin 23-10-2008
    Gasan sahabatku wenny di cemara raya.
    Assalamualaikum wr.wb
    Wenny,kaya apa habar ikam wayah ini? baik haja kalo? kabar aku baik haja. aku basakulah di SMA 2 bamjarmasin.Sakulahnya ganal banar. Aku ada dikelas X8. kelasnya paling ujung,tapi biar paling ujung malah paling rami. dimuka kelasku ada kolam,kolamnya ganal banar,kawa bakunyung.Kelasku rigat wan urangnya bore-bore,ganal banar muntungnya.
    Makanya,kami rancak di sariki guru. aku sanang ada dikelas X8. Guru-guru di SMA 2 jua baik-baik haja. kaya kawan haja. Guru diwadah kukada tapi panyarikan wan mau mamadahakan palajaran nang kada aku pahami. Aku duduk di muka meja guru,bangku yang kududuki kaya bangku urang kuliahan, aku duduk sorangan kededa kawan dihigaku. Kasiannya aku…
    Sudah dulu gin lah sudah uyuh manulis surat. Ikam maka nyaman banar langsung mambaca haja. eh, kena balas suratku lah?
    Wassalam sahabat ikam

    Selvi Bungas wan baik hati

  27. Banjarmasin, 23 Oktober 2008

    Gasan kawanku, Algi
    Assalamualaikum Wr. Wb.

    Uyy….. Gi kaya apa nah habar ikam? Baik-baik aja kalo. Unda di SMA 2 nah ikam pang masuk mana ?. Uma ikam di sini tuh abut lalu. Apa ikam banyak lalu bagian yang gila-gilanya di sini. Unda yang garing ja kawa sambuh dapatnya. Di sekolah ikam pang kaya apa abut jua lah ? O… iih ikam masih lo basket ? di sini banyak lalu kam yang umpat basketnya jadi rami lalu .

    Nah untung unda ingat di muka kelas-ku gin ada kolam yang jar kawan-ku Jimmy handak inya jadi akan water boom. Ngalih jua kelas gila nih, padahal unda nih dulu anak baik lah? Tapi berubah jadi gila jua. Di sekolah ikam yang hanyar tu kaya apa kaadaannya hancurkah kaya pulau kembang he he he?.

    Lawan adakah kawan kamyang mantap kaya unda? Kalo kadada parlu kah unda pindah? Tapi sorry ai nah unda lagi asik lalu sekolah di sini, lengket lalu dah unda di sini, kaya apa kada sudah kawan banyak, guru-gurunya rami pulang. Kada nyesal unda sekolah di SMA2 nih.

    Yu nah dah dulu lah ni unda handak latihan basket nah, maklum urang hebat hehehe

  28. Banjarmasin,22 oktober 2008
    Gasan Andi di Banjarmasin

    Assalamualaikum Wr.Wb
    Umalah sobongnya ikam lawas kada batamu.. kiapa kabarnya wayah ini? Naik ja lo? Aku gin baik jua.. ikam masuk SMA mana? Aku masuk SMA 2 yang di Mulawarman tu.. SMAnya gonol kam..

    Aku dikelas X-8. Kelasnya di ujung, disamping kantor guru. Jadi amunnya rebut langsung ketahuan, langsung disariki. Pernah kam pas handak mengerjai kawanku pas inya ulang tahun tapi ketahuan guru. Jadi aku disariki, dapat poin lagi.

    Dimuka kelasku ada kolam, gonol banar kami rancak betawakan sepatu pas kam kosong lawan kelas di seberang kolam. Rami kam. Aku di kelas jadi ketuanya. Kam pang jadi apa?

    Balasi lah.. kisah akan jua kelas kam.. aku hadangi..! awas kam amun kada membalasi..
    Wassalam..

    Kawan kam

    Mr. Rifky.

  29. Banjarmasin, 23 oktober 2008
    Gasan, kawan lawaku Doni Gatot

    Assalamualaikum Wr. Wb.
    Uy. . . tot kaya apa habar nah? lawas banar dah unda kada batamu wan ikam. Habar kuwitan ikam sehat-sehat aja lo disana? Habar kuwitan unda sehat-sehat ja disini tot ae…

    Wahini kam sakulah dimana tot? Kalo unda sakulah di SMAN 2 Banjarmasin. Tahu ja lo kam SMA 2 to? Nang andakannya di Mulawarman to, wadah urang-urang pintar sakulah! Tahu ja lo?

    Unda sakulah di SMA 2 ne betambah pintar tot ae… urang nang skulah disini pintar-pintar pang, makanya unda bapintar jua. Kam kenapa smalam to kada mandaftar disini? Kam jakanya sakulah disini kadeda susah tupang dah, sudah sakulahannya bagus, urangnya pintar-pintar, wan gurunya baikan sabarataan pulang. Beeh kam menyesal tu pang kada sakulah disini. Sakulahannya lah, batingkat tot ae… kelas 2 wan 3 andakannya di muka, kalunya kelas 1 dibelakang tot ae… kelas unda andakannya paling ujung, parak ruangan guru tot ae.. bah to disabarang unda ada kolamnya pulang, nang kaya kolam renang tu pang dah…

    Dah dulu gin lah unda lapah manulis nah…
    Wassalam…

    Kawan Lawas kam

    Rendy

  30. Banjarmasin, 23 oktober 2008
    Gasan Kawan lawasku,Resa di malang

    Mikum. . .
    OOOOyyy. . bro~~ masih ingat ka wan aku????? so pasti broo~~ unda hajar tu pang sampe ikam kada ingat wan nda hehehehhe~~ eh kyapa kbr ikm di sna?? mudahan baek za lah. .. sama ai kya nda to
    kuitan pang?? mudahan baek jua lah. . spya sama wan kuitan ku jua,baek haja

    e ii lah, rasanya ikam 2 thn lalu kls 1 smp lok?? berati skrg da 3 smp Dunk. . klo nda wyah ni dah 1 sma bro ai, hwehehe…sma 2 pulang, sma pling baek se banjaran,wekeke. . .! org2nya baek2 haja bro ai, sama wan guru2 nya. aku di X-8, kls plg ujung tp plg rame. . dimuka kls nya ada kolam iwak pulang. . umaa, becaburan tu pang bagian kami, hwahaaha, kada pang , , , bcanda doank. . eh BTW ikam bisi pacar ka dah? seingat nda ikam tu dulu bungas pang lah. . DULU, wayah ni kada tau am, mngkn jd ancur lok. . hwahaha, kada2 jgn ambil hati lah…

    aduh, unda hanyar ingat nahh. . aku handak bejalanan wan kawananku, bah iya am, ampihan ai dulu… salam buat kuitan ikam lah, wan kekawanan ikam disana.. n jgn lupa lah, balaz surat nda nih, sampe kada ikam. . . grrrrr. . heheh~~ ywd, see ya . . !!!!!

    kawan lawas ikam

    niko

    eh, aku nie handak bejalanan wan kawananku na, ,, jadi ampihan ai dulu. . .

  31. Banjarmasin, 23 oktober 2008
    Gasan kawanku di kayu tangi

    mikum. . ..
    OOOyyy. .. bos..!! apa kabar kam??????? baik jaa kalo!!
    nda baik baik ja”’kam sma mna ??? quw sma dua nah,,,hebat kalo,,,
    dismada nie banyak bisi kakawanan dan gurugurunya gin baik baik berataan jua..
    kawan kawan yg lain kaya apa habarnya ???? nda kadada tatamu semenjak lulus smp semalam..bila tatamu titip salam toe dari koni,,oke

    sudah dulu gin bos lah’masalahnya nie nda handak ke wc nah,,,
    semoga kam sehat sehat jaa lah,,,,
    dan titip salam lawan ade kakak kam yang awaknya kaya gitar sepanyol ngitohhhh
    hahahahahahahahahah……..
    wasssalam

    kawan lawaskam yang gagah sedunia!!

    coniey

  32. Banjarmasin, 23 Oktober 2008

    Gasan kawan lawasku, reza di banjarmasin

    Assalamu’alaikum.Wr.Wb.

    Za, kayapa habar kam wayahini? Baik-baik ja kalu? Aku alhamdulillah baik-baik haja. Lawas banar kita kada batamuan, mentang-mentang masuk SMF Banjarmasin lalu ai bakoyo banar. Unda masuk SMAN 2 Banjarmasin, di sini urangnya baik-baik, rami pulang. Di sana pang kayapa? Di sakulahku ada kolam renangnya ganal banar, jakanya kam masuk SMAN 2 Banjarmasin ja, di sini urangnya bungas-bungas, calon artis barataan wal ai.
    Kam adalah bakumpulan wan kakawan SMP kita? Wayahini kawanan SMP kita kabanyakan sumbung-sumbung. Kam di Farmasi masuk kalas x apa? Aku masuk kalas x-8. maka kalasku rigat banar, atapnya bocor ha pulang bila hujan, tapi guru-gurunya baik-baik sabarataan.
    Sudah dululah surat unda nih, jangan kada ingat mambalas lah surat unda.

    Wasalamu’alaikum.Wr. Wb.

    Kawan Lawas Ikam,

    Surya

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s